Xiaomi Mi 10 туркуми эртароқ намойиш этилади, улар аллақачон дўконга чиқди!

  •   DiMaX
  •  1775
  •  03.02.2020 18:24

Xiaomi Mi 10 туркуми эртароқ намойиш этилади, улар аллақачон дўконга чиқди!

Шу кунларда Хитойда авжига чиққан ва бошқа мамлакатларга ҳам тарқала бошлаган коронавирус кўплаб йирик компанияларга зиён етказаётганидан хабарингиз бор. Xiaomi кўрган зарар айниқса эътиборли – у Mi 10 флагманларининг 10 февралга белгиланган оммавий тақдимотини бекор қилишга мажбур бўлди.

ЎҚИНГ: Xiaomi’нинг коронавирусга қарши товари туфайли унинг ўз сайти ишдан чиқди!

Энди анъанавий – журналистлар иштирокидаги оффлайн тақдимот тадбири ўрнига Xiaomi бу смартфонларининг онлайн намойиш ўтказяпти. Инсайдерларнинг хабар беришларича, компания энди буни кутилганидан ҳам олдин амалга оширмоқчи.

Хулласи калом, Xiaomi Mi 10 туркумининг тақдимоти босқичма-босқич бўлиб ўтади: дастлаб 7 февраль куни компания ушбу флагманларининг анонсини беради – суратлари, жиҳатлари кабиларни расман эълон қилади. Кейинроқ – 10 февралда эса барча янги моделларнинг тўлақонли онлайн намойиши ўтказилади. Стандарт флагман 13 февралданоқ сотувга чиқади, Xiaomi Mi 10 Pro талқини эса сал кейинроқ – 18 февралдан бозор юзини кўради. Бироқ хоҳловчилар уни тақдимотдан кейиноқ 100 юань (тахминан 15 АҚШ доллари) миқдоридаги депозит пули эвазига банд қилиб қўйишлари мумкин бўлади.

ЎҚИНГ: Xiaomi Mi 10 Pro камерасида олинган... Xiaomi Mi 10 Pro сурати чиқди!

Бунинг ортидан шу бугуннинг ўзидаёқ, яна шу инсайдер тарқатган хабарга кўра, энг йирик онлайн дўконлардан бири – Jingdong Mall ҳам юқоридаги маълумотни тасдиқлаб, Xiaomi Mi 10 смартфонларини ўзининг JD.com сайтига чиқарган. Фақат унда саналар озгина фарқ қилади: смартфонлар 14 февралдан эмас, балки 12 февралдан сотила бошлайди.

Ишқилиб, саналар бир-икки кунга фарқ қилса-да, Xiaomi Mi 10 намойиши ва сотила бошлашига озгина вақт қолди; улар барибир Galaxy S20 флагманлар туркуми сотила бошлашидан олдин бозорга чиқади.

Ишлаб чиқарувчининг аввалроқ шама қилганига қараганда, Xiaomi Mi 10 ҳамда Mi 10 Pro нархлари 3500–5000 юань (499–713 доллар) орасида бўлиши керак. Лекин уларнинг кушандаси ҳам аллақачон майдонга тушишга ҳозирланиб турибди...

ЎҚИНГ: Snapdragon 865 платформасидаги энг арзон смартфон деярли тайёр

Terabayt.uz сайтининг видеолари: Youtube'даги каналимизда!