Xiaomi Mi 11 Ultra'нинг глобал савдолари бошланмоқда

Xiaomi Mi 11 Ultra'нинг глобал савдолари бошланмоқда

Xiaomi Mi 11 Ultra смартфони глобал бозорга чиқиши ҳақида компания ўтган ҳафта маълум қилганди. Қурилмага бўлган олдиндан буюртмалар бугундан бошлаб Малайзияда қабул қилинади.

ЎҚИНГ: ZTE бу флагмани билан Xiaomi Mi 11 Ultra’нинг «бурнини ерга ишқаламоқчи»!

12/256ГБ хотирага эга смартфоннинг нархи 1,040 АҚШ долларидан бошланади.

Олдиндан буюртма берганлар смартфон билан биргаликда текин футболка ва калитлар учун занжирга эга бўлишади. Девайсни Малайзиядаги рўйхатдан ўтган Mi дўконларидан ҳамда Lazada ва Shopee сингари йирик онлайн ритейлерлардан буюртма қилиш мумкин.

Айни дамда, Xiaomi ўзининг Mi 11 Ultra смартфони корпусини очиб кўрсатди. Видеодан 67 Вт да қувват олувчи 5,000 мАс аккумуляторни, NFC катушкаси ва учта камера датчигини кўриш мумкин.

Смартфон ички қисмларини совитиб турувчи буғ камераси AMOLED экраннинг тепа қисмига ўрнатилган бўлса, пастда бармоқ изи сканери жойлашгани кўринади.

ЎҚИНГ: Апрелда ҳам Redmi'дан янги смартфон кутаверинг