Xiaomi Mi 5 флагман смартфони расман тақдим этилди (фото)

Xiaomi Mi 5 флагман смартфони расман тақдим этилди (фото)

Xiaomi Mi 5 флагмани расман тақдим этилди, дея хабар бермоқда «Hi-tech.mail.ru». Смартфон ҳозир урфда бўлган бурчаклари юмалоқ корпусга эга бўлди.

5,15 дюймли, 1800 пикселли дисплей пастида Home тугмаси жойлашган, у бармоқ изи сканери билан жиҳозланган.

Foto: “Hi-tech.mail.ru”

Смартфон ўлчамлари 69,2×144,5×7,25 миллиметрга тенг. Орқа панель учун 3D-шишадан фойдаланилган.

Foto: “Hi-tech.mail.ru”

Xiaomi Mi 5 тўрт ядроли Qualcomm Snapdragon 820 чипсети, 3 Гб тезкор хотира, 3000 мА/соат сиғимли аккумулятор, 16 мегапикселли асосий ва 4 мегапикселли олд камерага эга.

Foto: “Hi-tech.mail.ru”

Смартфон Android 6.0 Marshmallow операцион тизимини қўллаб-қувватлайди, аммо ўзининг MIUI7 операцион тизимидан фойдаланади.

Foto: “Hi-tech.mail.ru”

Қурилма нархи комплектацияга қараб 300—500 долларни ташкил этади.

Манба: Daryo.uz