Xiaomi Mi 6’нинг тахминий суратлари пайдо бўлди
Бундан бир неча кун олдин интернет тармоғида Xiaomi Mi 6 деб тахмин қилинаётган моделнинг суратлари пайдо бўлди. Ахборот технологиялари, хусусан, мобил алоқа воситаларини ёритадиган жаҳонннинг кўплаб интернет ресурслари мазкур суратларда айнан Xiaomi Mi 6 модели тасвирланганига ишонишмоқда. Сабаби ҳали тасдиқланмаган смартфоннинг дизайни ва баъзи техник кўрсаткичлари флагман модель даражасида.
Суратдаги тасдиқланмаган Xiaomi моделининг олд панелида доимгидек Home тугмаси жойлашган. Ушбу тугма бир вақтнинг ўзида бармоқ изи сканери вазифасини ҳам бажариши айтилмоқда. Металлдан қилинган смартфоннинг орқа панели Apple iPhone 5s каби икки хил рангда ишланган. Камера ва LED юқори ўнг тарафда жойланган.
Ҳозирча ушбу модель ишлаб чиқиш босқичида бўлгани боис ҳали унинг техник параметрлари ҳақида гапиришга эрта. Қолаверса, бундан икки ҳафта илгари Хитой компанияси ўзининг кучли флагманлари: Xiaomi Mi 5S and Mi 5S Plus моделларини омма эътиборига ҳавола этган эди.
