Xiaomi Mi 8 Explorer Edition: хотираси турли конфигурацияда бўлган ажойиб флагман
Хитойнинг смартфонлар ишлаб чиқарувчи Xiaomi компанияси Mi 8 флагмани билан бирга Explorer Edition версиясини ҳам намойиш қилди. Янги қурилма 8 ГБ ОЗУ ва 128 ГБ ПЗУ билан таъминланди. Ҳозирда смартфон хотирасининг бир нечта версияси мавжудлиги ҳақида маълумот пайдо бўлди.
TENAA сертификация бюроси маълумотлар базасида келтирилишича, девайс 4, 6 ёки 8 ГБ версиядаги тезкор хотира ҳамда 64, 128 ёки 256 ГБ версиядаги ички хотира билан таъминланган. Афсуски, сертификация ҳужжатида комбинациялар варианти очиб берилмаган.
Эслатиб ўтамиз, смартфон 6.21-дюймли кенг форматли OLED-дисплейга эга бўлиб, унинг формати 2248×1080 пикселга тенг. Чипи Snapdragon 845, 12 Мп қўш камераси ҳам бор, батарея сиғими 3000 мАч.
Mi 8 Explorer Edition’нинг оддий версиялардан ажралиб турадиган жиҳатлари, қурилмага ўрнатилган юзни 3D-сканирлар датчигининг борлигидир, агар эсласангиз, iPhone X’да ҳам шундай эди. Яна бир жиҳати, бу албатта, экран остига беркитилган бармоқ излари сканери бўлади.
ЎҚИНГ:Xiaomi Beryllium – "қувватли" флагман смартфон
Смартфон яқин кунларда сотувга чиқарилади. Тақдимотда маълум қилинишича, 8/128 ГБ версияси 579 доллар туради, демак 4 ёки 6 ГБ ОЗУ бўлган моделлари арзон бўлиши керак.