Xiaomi Mi 8 флагманининг энг ишончли дизайни эълон қилинди

  •   DiMaX
  •  1367
  •  21.05.2018 11:44

Xiaomi Mi 8 флагманининг энг ишончли дизайни эълон қилинди

Тақдимот санаси яқинлашгани сари «хитойча Apple»нинг навбатдаги байроқдор смартфони ҳақида турли маълумотлар чиқиши кўпаймоқда. Жумладан, куни кеча тарқалган видеода бу гаджетнинг иш ҳолатида ҳам кўрсатишган.

ЎҚИНГ: Иш ҳолатидаги Xiaomi Mi 8 «жонли» видеода: бармоқ изи сканери экранда экан!

Шунга қарамай, кузатувчилар орасида Xiaomi’нинг навбатдаги смартфони хусусида икки хил фикр мавжуд. Яъни, айримлар фикрича, компания бу флагманини саноқ бўйича Mi 7 деб эмас, балки ўзининг саккиз йиллиги шарафига Mi 8 деб номлайди. Бошқалар таъкидлашича, Xiaomi биратўла икки моделда – алоҳида-алоҳида Mi 7 ҳамда Mi 8 флагманларини тақдим этади.

Slashleaks ресурси эълон қилган суратда Xiaomi юбилей флагманининг энг ҳақиқатга яқин дизайни акс эттирилган.

Кўриб турганингиздек, смартфон олд панелини деярли бутунича дисплей ташкил этади ва унинг тепасида «ўйиқ» мавжуд. Шу жойда фойдаланувчи юзини уч ўлчамда сканерловчи 3D Face технологияси датчиклари ўрин олади.

ЎҚИНГ: Xiaomi Mi 7 экрани суратлари чиқди: «ўйиқ»ли экран ва тўлақонли 3D Face юз сканери!

Қурилманинг орқа панелида бармоқ изи сканери йўқлиги ҳам алоҳида аҳамиятга эга.

Шунга қараганда, дактилоскопик датчик ё дисплейнинг ўзига жорий этилади, ёки Xiaomi бу флагманида ундан буткул воз кечган. Яъни, худди купертиноликларнинг iPhone X суперфлагманидаги сингари, Xiaomi Mi 8 юбилей смартфонида ҳам фойдаланувчи шахсини аниқлаш фақатгина унинг юзини сканерлаш орқали амалга оширилади. Айтиш керакки, айни дамгача бирорта Android-қурилмада бундай функционал мавжуд эмас.

Дарвоқе, Mi 8 моделининг тақдимот санаси сифатида ҳам икки хил фикр бор – уни 23 ёки 31 май куни тақдим этишлари мумкин. Хитойда бўлиб ўтадиган ушбу тадбирда компания Mi Band 3 «ақлли» билагузугини ҳам кўрсатиши кутилаётир.

ЎҚИНГ: Xiaomi Mi 8 қадоғининг «жонли» сурати барча шубҳаларга чек қўйди