Xiaomi Mi 9 флагмани камида иккита вариантда чиқарилади ва улар ўзаро жиддий фарқланади
«Хитойча Apple»нинг навбатдаги флагмани – Xiaomi Mi 9 смартфони ҳақидаги турли-туман маълумотлар баъзан бир-бирини инкор қилмоқда. Унинг корпуси олти бурчакли шаклда бўлиши, экрани томчисимон «ўйиқли» эканлиги айтилган, аммо расмий маълумотлар ҳам бор...
ЎҚИНГ: Xiaomi Mi 9 сертификатланди – 48 МПлик уч модулли камера, Snapdragon 8150 чипи ва бошқа маълумотлар
Кейинги хабарларга қараганда, Xiaomi ўзининг Mi 9 моделини ўлчамига кўра икки хил вариантда тақдим этади, яна бошқа версиялари ҳам бўлиши мумкин.
«Катта» Mi 9 флагмани саккизта Kryo 485 ядроси ва Adreno 640график тезлатгичини ўз ичига олган энг илғор Snapdragon 855 процессори базасида ишлайди. Тепа қисми «кемтик»ли дисплейининг ўлчами диагоналига 6,4 дюймни ташкил этади. Харидорлар ўз эҳтиёжларига қараб, Mi 9’нинг 6/128, 8/256 ёки 10/512 гигабайтлик тезкор/доимий хотирали вариантларидан бирини танлашлари мумкин бўлади. Бу флагманнинг бош камераси 48 + 16 + 13 мегапикселлик учта сенсорни ўз ичига олади. Қурилманинг 4000 мА/соатлик аккумулятори симсиз қувватланиш технологиясига эга, дейишмоқда инсайдерлар.
Ушбу смартфоннинг «бундайроқ» модификацияси эса, афтидан, Xiaomi Mi 9 SE деб номланса керак. Мазкур қурилмага Snapdragon 7хх туркумидаги чиплардан бири ўрнатилади, экрани ҳам ихчамроқ – 6 дюймлик ва кичкинароқ «кемтик»ка эга. «Кичкина» Mi 9 тезкор хотираси 4 ва 6, ички хотираси эса 64 ва 128 гигабайтлик талқинларда тақдим этилади. Бу девайс камераси қўшалоқ – 24 + 16 мегапикселлик, батареяси эса 3700 мА/соатлик бўлиши кутилмоқда.
Ҳар иккала модел учун умумий хусусиятлар – дактилоскопик сканер уларда бевосита дисплейнинг ўзига интеграция қилинади ва иккаласи ҳам Android 9.0 Pie операцион тизим талқини билан тақдим этилади. «Хитойча Apple»нинг ҳозиргача бозорга чиққан турли смартфонларини эса Terashop.uz интернет-дўконимиздан 809 000 сўмдан бошланувчи нархларда сотиб олиш имкони мавжуд.