Xiaomi Mi 9’нинг Antutu’даги натижаси чиқди – рекордчиликка у ҳам даъвогар!
Xiaomi компаниясининг навбатдаги флагмани – Mi 9 тақдим этилишига ҳали камида бир ой вақт бор. Аммо у ҳақда интернетда тарқалган бир қанча маълумотларни эълон қилганмиз.
ЎҚИНГ: Xiaomi Mi 9 флагмани камида иккита вариантда чиқарилади ва улар ўзаро жиддий фарқланади
Янги «сизиб чиққан» маълумотларда эса унинг Antutu бенчмаркида эришган натижаси акс этган. Унга кўра, Qualcomm Snapdragon 855 процессорли Xiaomi Mi 9 мазкур синовда 362570 балл олган. Бу эса самарадорлик бўйича рекорд кўрсаткичларга яқин бўлиб, Antutu рейтингларида юқори ўринларда туриши аниқ.
Ҳозирда AnTuTu рекордчиси сифатида Sony Xperia XZ4 эътироф этилмоқда – мазкур бенчмаркда у энг қори – 395 721 балл тўплашга эришган. Аммо бу смартфон ҳам ҳали расман намойиш этилмаган, смартфонсозларнинг флагманлари тақдим этилганидан сўнг, амалда синаб кўрилганида аниқ натижалар маълум бўлади.
ЎҚИНГ: AnTuTu рекордчиси – Lenovo Z5 Pro GT флагмани Geekbench’да шарманда бўлди!