Xiaomi Mi 9’нинг илк расмий тизери эълон қилинди – у февралдаёқ тақдим этилиши мумкин!

  •   DiMaX
  •  1412
  •  28.01.2019 12:08

Xiaomi Mi 9’нинг илк расмий тизери эълон қилинди – у февралдаёқ тақдим этилиши мумкин!

«Хитойча Apple»нинг навбатдаги смартфони – Mi 9 флагмани ҳақида шу кунгача бир қатор маълумотлар ва суратлар чиққан. Энди эса интернетда унинг илк расмий тизер сурати тарқалди.

ЎҚИНГ: Xiaomi Mi 9’нинг Antutu’даги натижаси чиқди – рекордчиликка у ҳам даъвогар!

Mi 9 экранига бармоқ изи сканери интеграция қилингани мазкур тизерда акс эттирилган. Ким билади, компания президенти Лин Бин «жонли» видеода ишлатиб кўрсатган – дисплейининг ҳамма жойи дактилоскопикдан иборат модел шу бўлар.

Афсуски, Xiaomi ҳозирча бу флагманининг расмий намойиш вақтини айтмаяпти. Аммо юқоридаги расмни тарқатган манбанинг таъкидлашича, уни шу февраль ойидаёқ кўрсатишади. Эҳтимол, санасини яқинда машҳур инсайдер Бен Гескин эълон қилган тақдимот айни шу моделга тегишлидир. Лекин унинг ўзи бу куни Mi Mix 3 слайдерининг 5G-версияси намойиш этилишини тахмин қилган.

ЎҚИНГ: Эҳтиёт бўлинг: Январдаги янгиланиш Xiaomi смартфонларини ишдан чиқармоқда!