Xiaomi Mi 9 Pro 5G – дунёдаги энг арзон 5G-смартфонни қарши олинг!

  •   DiMaX
  •  4315
  •  24.09.2019 15:13

Xiaomi Mi 9 Pro 5G – дунёдаги энг арзон 5G-смартфонни қарши олинг!

Ваъда қилганидек, «Хитойча Apple» бугун – 24 сентябрдаги матбуот анжуманида Mi 9 Pro 5G русумли флагман смартфонини тақдим этди. Номидан ҳам англашилиб турганидек, бу – Xiaomi Mi 9 (сотиб олиш) моделининг такомиллаштирилган версиясидир.

ЎҚИНГ: Redmi Note 8 глобал талқинда кутилмаган нархда тақдим қилинди!

Кейинги кунларда тарқалаётган хабарларда уни Xiaomi Mi 9S Pro 5G, Xiaomi Mi 9S, Xiaomi Mi 9 5G, Mi 9 Pro Xiaomi Mi 9 Pro 5G каби номлар билан аташаётган эди.

Янги флагман ҳам Mi 9 дизайнида, аммо техник хусусиятларида фарқлар мавжуд. Аввало, у энг кучли Android-процессор – Snapdragon 855 Plus чипсети базасига қурилган. Мазкур чипсет еттита антеннани ҳамда 1.78 Гбит/сониягача тезликда маълумот алмашишни қўллаб-қувватлайдиган Snapdragon X50 русумли 5G-модемни ҳам ўз ичига олган. Процессорнинг қизиб кетмаслигини таъминлаш учун янгиланган – найчали, «L» шаклидаги совитиш тизими қўлланган.

Mi 9 Pro 5G флагмани тезкор хотираси 8 ва 12 гигабайтлик, ички хотираси эса 128, 256 ҳамда 512 гигабайтлик вариантларда таклиф қилинади.

ЎҚИНГ: Шошқалоқлар учун махсус: Яна тўртта Xiaomi смартфонига Android 10 чиқди!

Xiaomi мазкур моделини янги вибромоторча билан таъминлаган: у титрашнинг нақ 150 турини фарқлай олади! Буниси эса геймерлар учун алоҳида аҳамиятга эга.

Смартфоннинг 4000 мА/соатлик аккумулятори 45 ваттлик тезкор қувватлаш технологияси билан атиги 48 дақиқада тўлиқ зарядланади! Симсиз қувватлаш борасида ҳам Mi 9 Pro 5G тенгсиз: батареянинг ўзи 30 ваттлик технология бўйича 69 дақиқада симсиз қувватлаш мумкин; симсиз усулда реверсив (тескари) зарядлаш қуввати эса 10 ваттга тенг. Унинг ёрдамида iPhone Xs Max аккумуляторини 30 дақиқада 20 фоизга симсиз қувватлаш мумкин.

Xiaomi Mi 9 Pro 5G шу тадбирнинг ўзида намойиш этилган MIUI 11 график қобиғи остидаги Android 10 операцион тизими билан тақдим этилди.

ЎҚИНГ: MIUI 11’даги янги функция Xiaomi смартфонлари эгаларининг ҳаётини сақлаб қолиши мумкин!

Янги девайс бошқа жиҳатларига кўра «оддий» Mi 9 флагманидан фарқ қилмайди: диагоналига 6,4 дюймлик, AMOLED-матрицали, Full HD+ форматли экранига дактилоскоп ҳам ўрнатилган.

Бош камера 48 + 12 + 16 мегапикселлик датчикларни ўз ичига олган, олд камера эса 20 мегапикселлик. Корпусида USB Type-C порти мавжуд, ичидаги NFC чипи эса смартфонни машина пульти сифатида қўллаш имконини ҳам беради.

Xiaomi Mi 9 Pro 5G икки хил – Dream White ҳамда Titanium Black рангли корпусларда 27 сентябрдан Хитойда сотувга чиқади. Нархлари эса тезкор/ички хотираси ҳажмига кўра қуйидагича:

8/128 гигабайтлиги – 520 АҚШ доллари;

8/256 гигабайтлиги – 534 АҚШ доллари;

12/256 гигабайтлиги – 577 АҚШ доллари;

12/512 гигабайтлиги – 605 АҚШ доллари.

Кўриб турганингиздек, Xiaomi Mi 9 Pro 5G чиндан ҳам энг арзон 5G-смартфон бўлиб чиққан. Унгача эса ушбу номга Vivo компанияси яқиндагина намойиш этган, 536 доллардан бошланувчи iQOO Pro 5G флагмани сазовор бўлиб турган эди, унинг илк партияси 1 сониядаёқ сотилиб кетган эди.

Xiaomi бўлса Mi 9 Pro 5G флагманини ташқи бозорга чиқариш-чиқармаслиги ҳақида тақдимотда ҳеч нима демаган. Компаниянинг аввалги русумлардаги аксарият телефонларини атиги 670 000 сўмдан бошланувчи нархларда Terashop.uz интернет-дўконимиздан харид қилиш имкони мавжуд.

ЎҚИНГ: Redmi K20 Pro Premium тақдим этилди ва AnTuTu’да кучини ҳам кўрсатди!

Хабарларни тез ва осон ўқиш учун Андроид иловамизни сақлаб олинг.