Xiaomi Mi 9 яна бир жиҳат бўйича Galaxy S10’га етиб олди!
Видеоўйинларда экраннинг кадрлар янгиланиш частотаси муҳим роль ўйнайди. Бу жиҳатдан юқори частотали қурилмаларда геймерлар воқеаларга тезкорликда реакция билдириб, силлиқ ва қулай ўйнай олишади.
ЎҚИНГ: Assassin’s Creed: Kingdom – викинглар даврида жангга кирамиз! (+видео)
Fortnite ўйини смартфонларда ўйнаш учун эндигина тақдим этилган пайти, унда дисплейи 60 FPS кўрсаткичида, яъни сониясига 60 кадр алмашиниш частотаси билан айрим флагманларгина ўйнай оларди. Булар – сўнгги моделлардаги iPhone’лар ва Samsung флагманлари, Honor View 20 ҳамда Huawei Mate 20 X қурилмаларидир.
Энди эса ушбу рўйхатга Xiaomi Mi 9 флагмани ҳам қўшилди. XDA Developers портали фойдаланувчиси Макс Вайнбахнинг таъкидлашича, «хитойча Apple»нинг ушбу смартфонида Fortnite ўйинини сониясига 60 кадр частотада ўйнаш мумкин.
Айтиш керакки, Fortnite ишлаб чиқувчиси – Epic Games расмий сайтида бу ўйинни Xiaomi Mi 9 ҳам қўллаб-қувватлаши расман қайд этилмаган. Эҳтимол, студия яқин орада бу қўлланмасини янгилаб, юқори самарадорликда Fortnite ўйнаш мумкин бўлган янги смартфон моделларини ҳам киритиб қўйишар.
Xiaomi Mi 9 (сотиб олиш) флагмани саккиз ядроли Snapdragon 855 процессорига, Adreno 640 график тезлатгичига ҳамда 6 гигабайтлик тезкор хотирага эга. Шундай экан, унинг Fortnite ўйинида самарадорлик бўйича Galaxy S10 (харид қилиш) смартфонига етиб олгани ажабланарли эмас.
ЎҚИНГ: Fortnite’да болаларни ўлдиришяпти – буни ота-оналарнинг ўзлари илтимос қилишмоқда! (+видео)
