Xiaomi Mi 9X ҳам тайёр: хусусиятлари тенг бўлса-да, Mi 9 SE’дан арзон смартфон!
Шу кунларда интернетда пайдо бўлган маълумотга кўра, Xiaomi компанияси бултур апрелнинг охирида тақдим этган Mi 6X смартфонининг давомчисини Mi 7X эмас, балки Mi 9X номи билан тақдим этади. Ўтган йилги ўша қурилманинг глобал версияси Mi A2 (сотиб олиш) номи билан чиқарилган бўлса, бу йилгиси Mi A3 бўлади.
ЎҚИНГ: Xiaomi Mi A3 ҳамда Mi A3 Lite: дактилоскопли экран, 32 МПлик селфи-камера!
Инсайдерларга кўра, Mi 9X модели диагоналига 6,4 дюймлик AMOLED-экранга эга. Томчисимон «ўйиқ»ли дисплейга бармоқ изи датчиги ҳам интеграция қилинади.
Xiaomi Mi 9X техник таъминоти асосини Snapdragon 675 процессори ташкил этади, унинг тезкор хотираси эса 6 гигабайтлик бўлади. Қурилмани қувват билан 3300 мА/соатлик аккумулятор таъминлаб туради.
ЎҚИНГ: Xiaomi смартфонлари энди қимматлайди – буни шахсан компания бош директори айтди!
Селфи учун ушбу смартфонда 32 мегапикселлик олд камера ажратилган. Бош камера эса уч модулли бўлиб, асосий датчиги – нақ 48 мегапикселлик Sony IMX586 сенсоридир. Ундан ташқари бош камера жамланмасига ўта кенг бурчакли объективга эга 13 МПлик ҳамда қўшимча 8 МПлик модуллар киради.
Маълумотларга кўра, Mi 9X моделининг бошланғич конфигурациядаги – 64 ГБлик ички хотирага эга талқини тахминан 255 доллардан бозорга тақдим этилади. Бу эса Xiaomi’нинг арзонлаштирилган Mi 9 SE флагманига қараганда анча паст нархдир. Ҳозирда эса «хитойча Apple»нинг бир қатор смартфонлари қатори, замонамизнинг энг кучли флагмани бўлган Mi 9 моделини ҳам Terashop.uz интернет-дўконимиздан харид қилиш мумкин.
