Xiaomi Mi A3 ҳамда Mi A3 Lite: дактилоскопли экран, 32 МПлик селфи-камера!

  •   DiMaX
  •  3362
  •  23.03.2019 10:20

Xiaomi Mi A3 ҳамда Mi A3 Lite: дактилоскопли экран, 32 МПлик селфи-камера!

«Хитойча Apple» ўтган йил ёзда Испания пойтахтида Mi A2 смартфони ҳамда унинг соддароқ талқини – Mi A2 Lite модели тақдим қилганди. Компания энди уларнинг давомчиларини ҳам тайёрламоқда.

ЎҚИНГ: Xiaomi’нинг кейинги бестселлери: 6,8 дюйм, IP67 ҳимояси, Snapdragon 675 чипи, 5500 мА/соатлик аккумулятор! Нархи эса...

Инсайдерларнинг маълумотларига кўра, Xiaomi Mi A3 ва Mi A3 Lite моделлари ҳам MIUI график қобиғисиз, «тоза» Android операцион тизимига эга бўлади. Айни дамда улар тегишлича «bamboo_sprout» ҳамда «cosmos_sprout» кодли номлари остида тайёрланмоқда. Умуман олганда, кодли номнинг ўзи «Bamboo» ва «Cosmo» бўлиб, «Sprout» эса Android One дастурига мансуб ҳар бир қурилманинг кодли номига бириктириладиган қўшимча сўздир.

Xiaomi Mi A сериясидаги биринчи ва иккинчи моделлар ҳақиқий хит бўлганди, энди эса Mi A3 ва A3 Lite фойдаланувчиларга янада кўпроқ ёқиши турган гап. Зеро, компания уларни одатда премиал смартфонларга хос бўлган функциялар билан бойитмоқда. Жумладан, ҳар иккала смартфонда ҳам бармоқ изи сканери бевосита экраннинг ўзига жорий этилади. Шунингдек, уларга 32 мегапикселлик олд камералар ўрнатилишини айтишмоқда – демак, селфисевар ёшлар учун айни муддао!

ЎҚИНГ: Реклама кўрсатгани учун Xiaomi биттагина сиздан қанча пул топаётганини биласизми?

Ушбу икки моделдан ташқари, кодли номи Pyxis бўлган учинчи девайс ҳақида ҳам маълумотлар тарқалган. Афтидан, бу – Xiaomi Mi A3 ёки Mi A3 Lite моделининг хитойча версияси бўлса керак. Худди Mi A1 смартфонининг хитойчаси Mi 5X бўлгани, Mi A2 моделининг хитойчаси эса Mi 6X бўлгани каби.

Айтиш керакки, Terashop.uz интернет-дўконимиздан Xiaomi Mi A2 смартфонини 1 690 000 сўмдан бошланган нархларда сотиб олиш, Mi A2 Lite моделини эса 1 309 000 сўмдан бошланувчи баҳоларда харид қилиш мумкин.

ЎҚИНГ: «Ёнғоқчақар» Redmi Note 7 ва энг арзон Redmi Go ҳам Terashop.uz’га келди! Xiaomi смартфонларининг нархлари (2019 йил 12 март)

Сайт янгиликларидан доимий хабардор бўлиш учун Телеграм каналимизга қўшилинг!