Xiaomi Mi A3 ҳақида нималар маълум?
Xiaomi компанияси Android One доирасида яратилажак смартфон устида ишламоқда. Ушбу дастурий таъминот MIUI ва бошқа қобиқлардан ҳоли бўлган тоза андроиддан фарқ қилади.
Бироз аввал модел рақами M1906F9SH бўлган қурилма ҳақидаги маълумотлар АҚШ нинг алоқа бўйича федерал комиссияси базасида пайдо бўлган. Манбааларнинг таъкидлашича, смартфон Xiaomi Mi A3 номи билан глобал бозорга чиқади. Ўз вақтида Xiaomi Mi A2 ҳамда Xiaomi Mi A2 Lite сифат ва функционал бўлган ҳамёнбоп смартфонларни афзал кўрувчи фойдаланувчиларни хурсанд қила олганди.
ЎҚИНГ: Xiaomi Mi A3 ҳам янги Snapdragon 730 чипига эга – у Galaxy A80 билан беллашади!
Ҳужжатда орқа панелнинг чизмалари бўлиб, Xiaomi Mi 9 ва Xiaomi CC9 моделларидаги каби учталик камера вертикал блокда жойлашади. Асосий датчикнинг суратга олиш аниқлиги 48 Мпга тенг бўлади.
Шунингдек, унда Android One логотипи туширилган бўлиб, асосий камерага сунъий интеллект ёрдам бериши ҳақида маълумот мавжуд.
Орқа панелда бармоқ изи сканери учун жой ажратилмаганлигидан англаш мумкинки, дактилоскоп экран остига жойлашади. Катта эҳтимол билан Xiaomi CC9 моделининг глобал талқини бўлиб чиқади.
ЎҚИНГ: Xiaomi CC9 селфифони глобал бозорга Mi A3 бўлиб чиқиши мумкин
