Xiaomi Mi Band 4 илк «жонли» суратларда: ичини ҳам очиб кўрсатишди!
«Хитойча Apple» ўтган йили май ойининг сўнгида Mi Band 3 фитнес-билагузугини тақдим этганди. Жорий йилнинг апрелида эса унинг тўртинчи авлоди Bluetooth SIG сертификациясидан ўтган.
ЎҚИНГ: Mi Band 3 «кушандаси» – NFC модулли Honor Band 4 «жонли» суратларда!
Энди эса Mi Band 4 фитнес-трекери Тайваннинг NCC агентлиги маълумотлар базасида пайдо бўлди. Ташкилотнинг сайтида ушбу гаджетнинг ҳар томонлама олинган «жонли» суратлари чиққан.
Жаҳонда энг оммабоп фитнес-трекернинг тўртинчи авлоди Mi Band 3 моделидан кам фарқ қилади. Асосий фарқи – сенсор тугмачанинг ўйиқ ҳолда эмаслигидир – унинг ўрнида кичкина бир белгича мавжуд.
Mi Band 4 экранининг ўлчами ҳақида ҳозирча аниқ маълумот йўқ, аммо ташқи кўринишидан у ўз «аждод»идаги дисплей билан бир хил. Капсуланинг орқа томонида одатдагидек, юрак уриши датчиги кўзга ташланади.
ЎҚИНГ: Ўгай отанинг қотиллигини аниқлашда Fitbit смарт-билагузуги ёрдам берди
Бугина эмас – ҳатто Xiaomi Mi Band 4 ичини очиб, қисмларини кўрсатган ҳолда ҳам расмга олишган:
Xiaomi’нинг барча тақилувчи девайсларини Huami тайёрлаб беришидан хабарингиз бўлса керак; Mi Band 4 ҳам шу компания томонидан терилмоқда. Техник таъминотига келадиган бўлсак, Mi Band 4 модели Bluetooth 5.0 Low Energy технологиясини қўллаб-қувватлайди. Xiaomi уни икки хил версияда ишлаб чиқаради: биттаси NFC модулли бўлиб, фақат маҳаллий бозорга чиқарилади, иккинчиси глобал бозорга чиқади, аммо у контактсиз тўловларни амалга ошириш имконини берувчи NFC чипидан маҳрум этилган.
ЎҚИНГ: Ниҳоят, Ўзбекистонда ҳам алоқасиз тўлов тизими ишга тушди – HUMO карталарининг биринчи эмиссияси!
Суратларда Xiaomi Mi Band 4 билан бирга, унинг қувватлаш станцияси ҳам кўрсатилган ва у аввалгиларидан фарқ қилади. Унга трекер капсуласининг учини тиқиб эмас, балки бутунича киритиб қўйиб қувватланади:
Xiaomi’нинг тўртинчи авлод фитнес-билагузуги ҳақида ҳозирча бошқа маълумотлар йўқ, аммо у шу ойнинг охирида тақдим этилиши мумкин. Terashop.uz интернет-дўконимизда эса компаниянинг сўнгги – Mi Band 3 фитнес-трекерини 250 000 сўмга сотиб олиш имкони бор. Унинг олдинги авлоди – Mi Band 2 моделини эса атиги 199 000 сўм эвазига харид қилиш мумкин.
ЎҚИНГ: Тез ухлаб қолиб, тиниқиб уйғонишга ёрдам берувчи «ақлли» билагузук (+видео)