Xiaomi Mi Max 3 Pro ҳақидаги расмий хабар миллионлаб кишиларнинг ҳафсаласини пир қилди

  •   DiMaX
  •  2042
  •  26.07.2018 15:18

Xiaomi Mi Max 3 Pro ҳақидаги расмий хабар миллионлаб кишиларнинг ҳафсаласини пир қилди

Ўтган ҳафта Xiaomi компанияси ўзининг Mi Max 3 смартпэдини тақдим қилган, аммо маросимда унинг «Pro» версияси ҳақида гап ҳам бўлмаган эди. Лекин шу пайтгача «кучайтирилган» Mi Max 3 Pro модели хусусида шу қадар кўп гап-сўзлар тарқалганки...

ЎҚИНГ: "Мобил кинотеатр" -- Mi Max 3 тақдим қилинди!

Хусусан, Mi Max 3 Pro фаблетининг сертификациядан ўтганлиги,  оддий версиясига қараганда кучлироқ техник таъминотга эга эканлиги ҳақида ҳам хабар берганмиз.

Хулласи калом, Xiaomi бу каби миш-мишларга чек қўйиш пайти келганлигини англади ва масалага расмий хабар орқали аниқлик киритди. Тўғрироғи, корпорациянинг маҳсулотлар маркетинги бўйича директори Чжи Чжиюань бу хабарни ўзининг Weibo аккаунти орқали маълум қилди.

Директорнинг ёзишича, компания Mi Max 3 Pro моделини умуман чиқармоқчи эмас. Унинг сўзларига қараганда, Xiaomi ўз кучини бекорга сарфлаб ўтирмасдан, қурилманинг оддий версиясига асосий эътиборини қаратади.

Шундай қилиб, шу пайтгача миллионлар учун орзу бўлиб келаётган Mi Max 3 смартфони армонга айланиб улгурди. Агарда сиз ҳам уни кутаётган бўлсангиз, бекорга овора бўлиб ўтирмасдан, «хитойча Apple»нинг бошқа флагманларига эътибор қаратаверинг. Ахир, Xiaomi компаниясининг бозорга чиқарилган аксарият моделлари Ўзбекистонда ҳам сотилмоқда.

ЎҚИНГ: Юртимизда сотилаётган Mi 8 харид қилиш учун беш сабаб

Сайтимизнинг энг чиройли расмларини Инстаграмдаги саҳифамизда томоша қилинг!