Xiaomi Mi Max 3 Pro ҳақиқат экан: смартфон синовдан ўтди
Аввал Xiaomi Mi Max 3 фаблетининг янада такомиллашган версияси чиқаётгани ҳақида фиқат гап-созларни эшитган бўлсак, энди унинг ҳақиқатан ҳам мавжудлиги тасдиқланди. Тайван давлат агентлиги бўлмиш, NCC (National Communication Commission) M1804E4A индекс рақамли смартфонга сертификация берди. Манбаларда таъкидланишича, бу айнан Pro-версияси бўлади.
Ҳозирча бизга Xiaomi Mi Max 3 Pro аввалги версиясига қараганда янада кучли процессорга эга бўлиши маълум. Агар оддий “учталикда” Snapdragon 636 бўлса, Pro-версияси Snapdragon 710 чипи билан таъминланади.
ЎҚИНГ:Xiaomi Mi Band 2: 25 доллар соғлигингиздан ўргилсин!
Шунингдек, Mi Max 3 Pro 6,9 дюмли экранга эга бўлади. Қурилманинг 6 ГБ тезкор хотира ва 128 ГБ ички хотираси бор. Асосий қўш камера, 8-мегапикселли олд камера ҳамда сиғими 5 400 мАч акумлятор смартфоннинг имкониятлари ҳақида сизга яхши тасаввур беради. Умуман олганда Mi Max 3’да нима бор бўлса, Pro’да ҳам худди шундай комплект.
NCC сертификацияси, қурилманинг яқин кунларда расман намойиш қилинишидан дарак беради. Катта эҳтимол билан, иккала версиянинг ҳам тақдимоти шу ойнинг ўзида, бир кунда бўлиб ўтади.
