Xiaomi Mi Mix 2s: ҳақиқатга айланган афсона
Ромдан воз кечиш тренди жадал суръатларда давом этмоқда. Буни бошлаб берган қаҳрамонлардан бири бўлган Xiaomi Mi MIX модели янада таассуротли дизайнда Xiaomi Mi MIX 2S номи билан шу ойда Барселонада бўлиб ўтадиган Mobile World Congress анжуманида тақдим этилиши кутилмоқда. Mi Mix 2s моделининг сурати ва жиҳатлари кеча интернет тармоғида эълон қилинди.
Xiaomi Mi Mix 2s модели олд панели 5.99 дюймли, томонлари 18:9 нисбатли, FHD+ (2260×1080 пиксел) сиғимли тўлиқ экрандан иборат бўлади.
Унинг экрани атрофи ўта нафис синч билан ўраб олинади. Бу модел ҳам Qualcomm Snapdragon 845 процессори ва 8 гигабайтли тезкор хотира, 256 гигабайтли доимий хотира билан йилнинг энг кучли платморфмага эга мобил алоқа воситаларидан бири бўлади.
Mi MIX 2S моделида сунъий интеллект тизимининг жорий қилиниши кутилмоқда. Хусусан, смартфон эгасининг юз-қиёфасини таний олади. Шу жиҳати билан у сўнгги авлод iPhone смартфонларини эслатади. Смартфон дисплейининг қуйи қисмида экранга жойлаштирилган виртуал сканер бўлади.
Смартфон корпуси керамикадан тайёраланади ва тўрт томонга қайрилган дизайнда тайёрланади.
Камера ҳам илғор: Mi MIX 2S'да қўш пикселли автофокус тизимига эга бўлган янги Sony IMX363 сенсори ўрнатилади.
Яна бир аҳамиятли жиҳати -- Sony IMX363 сенсори объектларни танийди ва ўзи мустақил ишга тушади. Камерада суратларни қайта ишлаш технологияси янада такомиллашган.
Суратда кўриб турганингиз каби, Mi MIX 2S моделининг камераси олд панелнинг ўнг томон юқори қисмидан ўрин олган. Бу ерда жойлаштириладиган 12 мегапикселли, оптик яқинлаштириш технологиясига эга камера харидорнинг диққатини тортади.
Mi Mix 2S қуввати учун 3400 мА соат ток қувватига эга аккумулятор масъул бўлади. Смартфон самарали чипга ҳамда қувватни тежайдиган Android 8.0 Oreo'да ишлашини ҳисобга олсак, бу қувват фойдаланувчининг кўнглини чоғ қилади.
Xiaomi Mi Mix 2 шу кунларда Хитойда анча арзонлашди. Шундан келиб чиқадиган бўлсак, янги моделнинг тақдим қилинишига оз фурсат қолган кўринади.
