Xiaomi Mi Mix 3 тақдимоти яқин – у Саноат вазирлигида сертификациядан ўтди!
«Хитойча Apple»нинг энг кутилаётган флагмани – Mi Mix 3 ҳақидаги хабарлар, техник жиҳатлари борасидаги маълумотлар тобора кўпайиб бормоқда. Унинг ромсиз экранга ҳамда корпуснинг юқори қиррасидан чиқувчи олд камерага эга эканлиги аввалдан фош бўлиб бўлган.
ЎҚИНГ: Xiaomi Mi Mix 3: энг инновацион флагман янги «жонли» суратларда!
Mi Mix 3 смартфони жорий йилнинг 15 сентябрида расман намойиш этилиши ҳақида Xiaomi ўзи хабар берган. Бугун – 22 августда эса ушбу қурилманинг тақдимоти яқин эканини тасдиқловчи хабар чиқди. Яъни, Хитой Саноат вазирлигида у M1810E5A рақами остида сертификациядан ўтган.
Агарда сентябрнинг ўртасида намойиш этилса, Mi Mix 3 флагмани октябрнинг бошиданоқ савдога чиқарилиши мумкин. Унгача эса Xiaomi компаниясининг бошқа бренд остидаги ҳамёнбоп, аммо кучли флагмани диққат марказида бўладиган кўринади...