Xiaomi Mi Mix 3 яна бир бор «жонли» суратда намоён бўлди

Хитой интернет кенгликларида Xiaomi Mi Mix 3 смартфонининг янги сурати пайдо бўлди.

Суратда смартфон бундан аввал эълон қилинган қурилмани эслатади. Унда кичкина ром бўлгани билан катта дисплей ўрнатилган. Қурилманинг тепа қисмида сўзлашадиган динамик кўриниб турибди, пастда эса ҳеч нарса кўринмаяпти. Яқинда эълон қилинган рендерга ишонадиган бўлсак, қурилманинг олд  камераси худди Vivo NEX’даги каби суриладиган бўлади. Бундан ташқари, смартфон экранидан билиш мумкинки, у MIUI 9’да ишлайди ва бу ғалати кўринмоқда, чунки компания ҳозирда MIUI 10’ни тестдан ўтказмоқда.

ЎҚИНГ:Xiaomi ўзининг Redmi 6 Pro смартфонини Bali Blue рангида намойиш этмоқчи

Гап-сўзларга қараганда, Xiaomi Mi Mix 3 кенгформатли, томонлар нисбати 18 га 9 бўлган дисплей билан таминланади, чип Qualcomm’дан бўлади. Қурилманинг тезкор хотираси атиги 6/8 ГБ ва ички хотираси  256 ГБ’гача бўлади. Смартфон  шу йил сентябрь ойида омма эътиборига ҳавола этилиши керак.

ЎҚИНГ:Xiaomi 2019 йилда АҚШ бозорини забт этмоқчи, рухсат берилса, албатта