Xiaomi Mi Mix 3 янги суратда: ромсиз экран, шиша корпус ва USB Type-C порти!
Жорий йилда турли моделларда бир қатор смартфонлар чиқарган Xiaomi компанияси учинчи авлод Mi Mix 3 моделини сентябрда намойиш этиши мумкин. Унинг «жонли» сурати эса аллақачон интернетга чиқиб улгурган.
ЎҚИНГ: ЭКСКЛЮЗИВ: Мутлақо ромсиз Xiaomi Mi Mix 3’ни илк «жонли» суратда кўрамиз! (+видео)
Интернет манбалари бугун тарқатган расмда эса компьютер графикаси воситасида ишланган Mi Mix 3 смартфони акс эттирилган. Гарчи бу «жонли» сурат бўлмаса-да, куни кеча эълон қилганимиз – смартфон қўлда ушлаб турилган ҳолдаги ҳақиқий расмга мос.
Афтидан, бу – Xiaomi Mi Mix 3’нинг реклама мақсадида тайёрланган тасвири бўлса керак. Унда мутлақо ромсиз экран ҳамда корпуснинг пастки қиррасидаги USB Type-C порти яққол кўриниб турибди.
Шунингдек, расмга кўра, мазкур қурилманинг орқа панели шишадан ясалганга ўхшаяпти. Бу эса унга симсиз қувватлаш технологияси жорий этилиши мумкинлигидан далолат беради.
ЎҚИНГ: Xiaomi Mi Mix 3'да "ғалати ўзгариш" бўлади
Янги смартфоннинг орқа панели эса Mi Mix 2S моделидаги сингари бўлиши кутилмоқда: керамик корпус, юқори чап бурчакда тикка жойлашган қўшалоқ корпус, пастроқда – орқа қопқоқ ўртасида эса дактилоскопик сенсор. Буни ҳали ўтган йилнинг охиридаёқ интернетга чиққан қуйидаги сурат ҳам исботламоқда:
Mi Mix 3 смартфонининг техник жиҳатлари ҳозирча маълум эмас. Xiaomi бунгача бозорга чиқарган аксарият телефонлар эса Ўзбекистонда ҳам бир йиллик расмий кафолат билан сотиляпти.