Xiaomi Mi Mix 4 метрода «қўлга тушди», унинг намойиш кунигача аниқ бўлди!

  •   DiMaX
  •  1918
  •  25.10.2019 16:01

Xiaomi Mi Mix 4 метрода «қўлга тушди», унинг намойиш кунигача аниқ бўлди!

Яқиндагина Mi Mix Alpha концептуал смартфонинитақдим этган Xiaomi энди ушбу туркумнинг навбатдаги вакили – Mi Mix 4 смартфонини ҳам тайёрлаб улгурган. Биз аллақачон унинг экрани ёқиқ ҳолда ишлатиб кўрсатилган «жонли» видеосини ҳамда суратини эълон қилганмиз.

ЎҚИНГ: Redmi раҳбари: «Бу смартфон бозорда «портлаш» қилади!»

SlashLeaks ресурси эса Xiaomi Mi Mix 4 флагманининг Weibo ижтимоий тармоғидан олинган «жонли» расмини эълон қилди. Weibo’да бу суратни эълон қилган фойдаланувчи мазкур кадрни Пекин метросида суратга туширганини айтган ва ушбу ғайриоддий смартфон қанақа модел эканини сўраган.

Кўпчиликнинг якдиллик билан айтишича, бу ўша – яқин орада тақдимоти бўлиши кутилаётган Xiaomi Mi Mix 4 смартфонидир. Унинг экрани пастки қисмида Mi Mix 3 слайдеридаги сингари энли ром йўқ.

Шунингдек, инсайдерлар берган янги маълумотга кўра, Xiaomi Mi Mix 4 флагманининг тақдимоти 6 ноябрга белгиланган. Мазкур қурилма инқилобий Mi Mix Alpha моделининг «халқона» версияси бўлади – ундаги бир қатор технологияларни, жумладан, 108 мегапикселлик камерани ҳам ўзлаштиради.

ЎҚИНГ: Xiaomi кейинги йил яна нақ 10 моделда 5G-смартфон чиқаради!

Сайт янгиликларидан доимий хабардор бўлиш учун Телеграм каналимизга қўшилинг!