Xiaomi Mi Note 10 ва унинг Pro талқини намойиш қилинди!
Кутилганидек, бугун Xiaomi компанияси Xiaomi CC9 Pro`нинг халқаро бозорга мўлжалланган талқинини намойиш этди. Кеча Xiaomi CC9 Pro смартфонининг тақдимоти бўлиб ўтганди. Бугун эса унинг глобал талқини – Mi Note 10 намойиш қилинди. Шунингдек, компания янада мукаммаллаштирилган Mi Note 10 Pro моделини ҳам таништириб ўтди.
Умуман олганда, икки янги модел бир-биридан унчалик фарқ қилмайди. Уларнинг бирида еттита пластик линза(7P) бўлса, иккинчисида эса шундай линзалар сони бу биттага кўп(8P).
S5KHMX номли F/1,69 диафрагмали 108 МПлик асосий, портрет режими учун 12 МПлик, 2 МПлик макро ва 20 МРлик ултракенгбурчакли датчиклар, шунингдек, 10 карра гибрид зумга эга 5 МПлик телефотомодуль бирлашиб пентакамерани ташкил қилган. Олд камера аниқлиги 32 МП.
Смартфон 6,47 дюмли OLED экранли чеккалари қайрилган гиперболик дисплейга эга бўлган. Бармоқ изи ҳам дисплей остидан жой олган.
Аккумулятор сиғими 5260 мА/соатни(!) ташкил қилади, шунингдек 30 Вт қувват билан тезкор зарядланади.
Смартфонлар асоси сифатида яккакристалли Snapdragon 730G процессори ўрнатилган. Қурилмалар шунингдек NFC, 3,5 ммлик аудиотирқиш ва ИК-порт билан жамланган. Камерафонга Android 9 Pie асносида ишланган MIUI 11 график қобиғи ўрнатилган.
Xiaomi Mi Note 10 модели 15 ноябрь санасидан бошлаб Испанияда 6 ГБ тезкор ва 128 ГБ доимий хотирали талқини 549 евродан сотувга чиқиши айтилган. 8/128 ГБ хотирали Xiaomi Mi Note 10 Pro эса 649 доллардан сотилиши белгиланган.
ЎҚИНГ: Redmi Note 8T намойиш қилинди – унинг оддий Redmi Note 8’дан фарқлари қандай?
