Xiaomi Mi6’нинг тақдимот куни расман тасдиқланди

Xiaomi Mi6’нинг тақдимот куни расман тасдиқланди

Флагман смартфонларнинг янги авлоди бўлмиш Xiaomi Mi6’нинг тақдимоти жорий йилнинг 19 апрел кунига белгиланди. Бу тўғридаги хабар бугун Xiaomi компаниясининг Weibo ижтимоий тармоғидаги расмий микроблогларидан бирида эълон қилинган.

Бундан бир неча кун аввал компания раҳбари ўзининг ижтимоий тармоғидаги саҳифасида Xiaomi Mi6’нинг камерасида олинган суратни намойиш қилган эди. Ҳозирча Xiaomi янги флагманнинг техник хусусиятлари тўғрисида тўхталиб, унинг компания ташкил топганидан бошлаб, яъни 7 йиллик фаолият давомида олиб борилган илғор изланишларнинг натижаси бўлган технологияларнинг жорий қилинишини айтган.

Инсайдерларнинг ёзишларича, Xiaomi Mi6 2 хил модификацияда, яъни 2,4 ГГц частота тезлигида ишлайдиган Snapdragon 835 ҳамда 2,2 ГГц. частота тезлигида ишлайдиган яна бошқа бир процессорли талқинларда сотувга чиқарилади. Бу флагман 4/6 Гб оператив хотира, 64/128 Гб доимий хотира, кўзнинг рангдор пардасини сканер қилиш қурилмаси, анъанавий биометрик датчик, 8 Мп олд ва 30 МП бош камера ҳамда металл ва керамик корпус билан таъминланади.

Сайтимизнинг энг чиройли расмларини Инстаграмдаги саҳифамизда томоша қилинг!