Xiaomi MIUI 8 интерфейсининг сўнгги версиясини чиқарди

Xiaomi MIUI 8 интерфейсининг сўнгги версиясини чиқарди

Хитойлик технологик гигантлардан бири бўлган Xiaomi ўзининг MIUI 8 интерфейсини 16 августда чиқаришни режалаштирган эди. Бироқ янгиланиш номаълум сабабларга кўра бир ҳафтага кечиктирилди.

Бугундан бошлаб Xiaomi Mi 2/2S, Mi 4i, Redmi Note 3G/4G моделлари янги интерфейсли прошивкага янгиланиши мумкин бўлади. Шунингдек, тез кунларда Xiaomi Redmi 2 ва Redmi Note 2 моделлари ҳам янгиланиши кутилмоқда.

Бунда прошивкадаги Android’нинг версияси моделга қараб фарқланиши мумкин. Масалан, Xiaomi Redmi 1S, Redmi 2 ва Redmi Note 3G/4G каби арзон моделлар фақат янги MIUI 8 интерфейсига эга бўладилар.

Интерфейс ва стандарт иловалардаги кичик ўзгаришлардан ташқари, MIUI 8 дастурида бир нечта экран расмларини бирлаштирадиган “узун скриншотлар” функцияси ҳамда смартфондан бир қўлда фойдаланиш пайтида энг керакли функцияларни бошқаришга ёрдам берадиган экранда сузиб юрувчи Quick ball менюсини айтиб ўтиш мумкин.

Дастури MIUI 8 интерфесига янгиланадиган қурилмалар: Xiaomi Redmi 1S, Redmi 2, Redmi 2 Prime, Redmi Note 3 Qualcomm, Redmi Note 3 Special Edition, Redmi Note 2, Redmi Note 3G, Redmi Note 4G, Redmi Note Prime, Redmi 3, Redmi 3S/Prime, Mi 2/2S, Mi 3, Mi 4, Mi 4i, Mi 5, Mi Note, Mi Max 32GB

Сайт янгиликларидан доимий хабардор бўлиш учун Телеграм каналимизга қўшилинг!