Xiaomi’нинг 51 долларлик янги гаджети: 4G-телефон, аккумулятор, GPS-трекер ва овозли таржимон – барчаси биттада!

  •   DiMaX
  •  1760
  •  12.09.2018 13:00

Xiaomi’нинг 51 долларлик янги гаджети: 4G-телефон, аккумулятор, GPS-трекер ва овозли таржимон – барчаси биттада!

«Хитойча Apple»нинг портатив аккумуляторлари – повербанкларини ZMI компанияси тайёрлаб беради. Бу икки компаниянинг ҳамкорлигида яратилган яна бир янги гаджет эса ўта ўзгача...

ЎҚИНГ: Xiaomi $6 долларлик, ток сиғими ҳайратланарли повербанкни тақдим қилди

ZMI Travel Assistant Z1 деб номланган мазкур девайс бир вақтнинг ўзида уяли телефон, GPS-трекер, портатив аккумулятор вазифасини бажаради! Бугина эмас: унга жорий этилган овозли таржимот хитойчадан ташқари яна 16 та тилни билади.

Шунингдек, ZMI Travel Assistant Z1 гаджетида Xiao Ai овозли ёрдамчиси ҳам мавжуд бўлиб, керакли маълумотни интернетдан топиб бериши, бирор мусиқани ёки аудиокитобни қўйиб бериши мумкин. «Сунъий идрок»ли ушбу ёрдамчини ишга тушириш учун қурилмада алоҳида тугмача мавжуд.

ЎҚИНГ: Xiaomi илк тугмачали телефонини тақдим этди: унинг Wi-Fi, USB-C ва ҳатто «сунъий онг»и ҳам бор! (+видеолар)

ZMI Travel Assistant Z1 аккумуляторининг ток сиғими 5000 мА/соатга тенг, унинг ёрдамида бошқа гаджетларни қувватлаш мумкин. Моддий тугмачага эга, иккита SIM-картали телефони эса тўртинчи авлод уяли алоқа тармоғини қўллаб-қувватлайди.

Айтиш керакки, ZMI Travel Assistant Z1 учун ҳозирда жамоавий молиялаштириш платформаси – Jingdong краудфандинг майдончасида маблағ тўплаш бошланган. Унда буюртма бериб маблағ тўловчи дастлабки 200 киши учун гаджет нархи 349 юань (51 АҚШ доллари) қилиб белгиланган. Кейинги 500 нафар талабгор уни 399 юань (58 долллар), навбатдаги 1000 киши 459 юань (67 доллар), ундан кейинги 1500 харидор эса 499 юань (72 доллар) нархида олиши мумкин бўлади.

Xiaomi’нинг аксарият смартфонларини, ҳатто яқинда тақдим этилган «Тезкорлик устаси» – Pocophone F1 ҳамёнбоп флагманини ҳам ушбу дўконимиздан расмий кафолати билан онлайн харид қилишингиз мумкин.

ЎҚИНГ:Terashop.uz’да акция: Xiaomi смартфони харидида оригинал Mi қулоқчини совға! Нархлар билан танишинг (2018 йил 7 сентябрь)

Сайтимизнинг энг чиройли расмларини Инстаграмдаги саҳифамизда томоша қилинг!