Xiaomi’нинг иккита оммабоп смартфонида Android Oreo билан боғлиқ муаммо юзага келмоқда

Турли-туман моделлари ва ҳамёнбоп нархлари билан Xiaomi компанияси смартфон бозорини тобора кўпроқ забт этиб келаётганини биламиз. Аммо уларнинг айримларида, хусусан, янги прошивкалар билан боғлиқ муаммолар ҳам учраб турибди.

ЎҚИНГ: Антирейтинг: энг кўп бузилувчи смартфонлар рўйхати билан танишинг

Gizchina нашри хабарига кўра, Xiaomi Mi 5S ҳамда Mi 5S Plus русумли смартфонларида шундай ҳолат юзага келган. Аниқроғи – гап компания ушбу моделлар учун ишлаб чиққан Android Oreo талқини асосидаги MIUI 10 прошивкасида. Мазкур талқингача янгиланган смартфонларнинг айрим функциялари ишламай қолмоқда.

Хусусан, Mi 5S Plus моделининг қўшалоқ камерасида ҳамда ультратовушли дактилоскопик датчикда муаммо кузатилган. Xiaomi бунинг ечими учун Qualcomm муҳандисларига мурожаат этган – мазкур смартфонларда айнан шу компания процессорлари қўлланган.

Камера билан боғлиқ айрим муаммолар ҳал этилган, лекин бу русумлардаги смартфонлар учун Android Oreo базасидаги барқарор прошивка жорий йилнинг ноябридагина чиқарилиши кутилмоқда.

ЎҚИНГ: Xiaomi'нинг 29 та смартфон модели MIUI 10'га эга бўлди