Xiaomi’нинг илк ноутбукининг номи ва нархи маълум бўлди
27 июль куни Xiaomi компанияси янги смартфон билан бирга жаҳон диққатига ўзининг илк ноутбукини ҳам тақдим этиши кутилмоқда.
Мазкур суратлар ушбу лаптопнинг ҳақиқий суратлари экани айтилмоқда. Кўриниб турганидек, қурилма корпуси тўлиқ металлдан ишланган. Экран юпқа, ноутбук корпусида USB Type-C порти, қувватлаш ва кўп функцияли USB 3.0 порти мавжуд.
Иккинчи суратда ноутбук клавиатураси йирик планда намойиш этилган. Унда Home , End , Page Up ва Page Down клавишлари кўриниб турибди.
Аввал хабар берилганидек, Xiaomi лаптопининг стандарт талқини Intel Core i5-6200U процессори, Intel HD Graphics 520 видеоадаптерига, 8 ГБ оператив хотира ва 256 ГБ доимий ички хотирага эга бўлади. У тахминан $600 доллардан сотувга чиқарилади. Ноутбукнинг Mi Notebook Pro модели эса янада такомиллашган бўлади. У 15,6 дюймли экран, Intel Core i7-6700HQ процессори, 4 ГБ хотирали NVIDIA GTX 970M видеокартасига, 16 ГБ тезкор хотира ва 512 ГБ ички хотирага эга бўлади. Нарх-навоси эса $1000.
Компания томонидан сирли маҳсулотга нисбатан қизиқишни ошириш учун тақдим этилган яна бир “ишора слайди”да Mi Notebook Pro ноутбукининг аккумулятори сиғими жиҳатдан Lenovo Yoga 700, Asus ROG PC ва Macbook Pro каби қурилмани 6 соат куч-қувват билан таъминлаши маълум қилинган.
