Xiaomi’нинг навбатдаги бестселлери – Redmi Note 7 Pro илк «жонли» расмда!
Яқинда тақдим этилиб, сотувга қўйилган «кичкина Кинг–Конг» – Redmi Note 7 кейинги ҳафтадаёқ глобал савдога ҳам чиқариляпти. Xiaomi эса оммабопликда ундан ҳам ошиб кетиши кутилаётган навбатдаги смартфонини тайёрлаб улгурган.
ЎҚИНГ: Xiaomi дактилоскопли экранга эга Redmi Note 7 Pro’нинг ҳам намойиш кунини эълон қилди!
Slashleaks ресурси Weibo ижтимоий тармоғида Redmi Note 7 Pro моделининг биринчи «жонли» расмини топиб олган. Суратда у чап томонда жойлашган, ўнгда эса – хитойлик техногигантнинг Honor V20 модели.
Гувоҳи бўяпмизки, Redmi Note 7 Pro градиент тусдаги кўк-бинафшаранг корпусда. Орқа панелда 48 мегапикселлик датчикни ҳам ўз ичига олган қўшалоқ камера ҳамда дактилоскопик датчик кўзга ташланади. Демак, бу моделда бармоқ изи сканери экранга жойлаштирилиши ҳақидаги хабарлар тўғри бўлиб чиқмади.
Бренд раҳбарияти Redmi Note 7 Pro тақдимоти кейинги ҳафтада намойиш этилишини расман тасдиқлаган. Redmi топ-менежери Лю Вейбинг (Lu Weibing) унинг нархи «298 доллар ва ундан ҳам пастроқ» бўлишини айтган. Кузатувчилар бу гаджетнинг нархи 240 доллардан бошланишини тахмин қилишмоқда.
Дарвоқе, «хитойча Apple»нинг энг сўнгги – Redmi Note 7 телефонини Ўзбекистонда ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.
ЎҚИНГ: Redmi Note 7 Pro’нинг асосий рақиби – Meizu Note 9 тақдимоти расман эълон қилинди
