Навбатдаги Xiaomi флагманининг тақдимот санаси эълон қилинди
«Хитойча Apple» яқинда мустақил бренд сифатида ажратилган Redmi туркумидаги илк смартфонини тақдим этди. У ҳали расмий намойишидан аввалоқ сифатли камераси ва юқори даражадаги мустаҳкамлиги билан машҳур бўлди.
ЎҚИНГ: ВИДЕО: Саккиз ярим дақиқада сотиб тугатилган Redmi Note 7 ичини очиб, қисмларга ажратиб кўрамиз!
Энди эса Xiaomi флагман туркуми – Mi сериясига оид навбатдаги смартфонини тақдим этишга тайёргарлик кўрмоқда. Машҳур инсайдер Бен Гескин ўзининг Twitter-аккаунти орқали маълум қилишича, бу намойиш 24 февралга белгиланган.
Лекин 15 январдаги ушбу твитини Бен Гескин негадир кейинроқ ўчириб юборган. Унда қуйидаги расм ҳам бўлган:
Инсайдернинг тахминича, 24 февралда Mi Mix 3 слайдерининг 5G-версияси намойиш этилиши мумкин. Лекин айрим кузатувчилар шу куни Mi 9 флагмани тақдимотини кутишмоқда.
ЎҚИНГ: Xiaomi Mi 9 флагмани камида иккита вариантда чиқарилади ва улар ўзаро жиддий фарқланади