Xiaomi олд камераси экран остига яширилган дунёдаги илк смартфонни «жонли» видеода ишлатиб кўрсатди!
Apple илк бора смартфоннинг олд камераси учун дисплейни кемтикли қилди – бу iPhone X (сотиб олиш) юбилей флагмани эди. Кейинроқ эса Samsung ва бошқалар селфи-камера учун экранни тирқишли қилишни йўлга қўйишди.
Galaxy S10 (сотиб олиш) флагманларида селфи-камера учун дисплей тешилган бўлса, Xiaomi янада илгарилаб кетди. Яъни, у аллақачон экраннинг остига яширилган, тўлақонли кўринмас илк камерани амалда ишлатиб кўрсатди. Мазкур смартфоннинг «жонли» видеосини машҳур инсайдер IceUniverse ўзининг Twitter-саҳифасида бугун – 3 июнь куни эълон қилди:
Today is a good day, Xiaomi showed off the screen camera technology! A hidden camera was installed on the Xiaomi Mi 9 to achieve a self-portrait that looks good. pic.twitter.com/NJVGtWMvsC
— Ice universe (@UniverseIce) 3 июня 2019 г.
IceUniverse таъкидлаганидек, мазкур технологиянинг ҳақиқатан ишлашини кўрсатиш учун янгича камерани Xiaomi Mi 9 (сотиб олиш) смартфонига ўрнатишган. Аммо унинг амалда – серияли тарзда ишлаб чиқариладиган смартфонларга қачон татбиқ этилиши ҳозирча номаълум.
Аллақачон сотувга чиққан айрим русумлардаги Xiaomi телефонларини эса 590 000 сўмдан бошланувчи нархларда Terashop.uz интернет-дўконимиздан харид қилиш мумкин.
ЎҚИНГ: Redmi K20 Pro аллақачон Honor Play 8A ҳамда iPhone XR’лардан ўзиб, рекорд қўйди!