Xiaomi оммабоп девайсини янада арзон – Lite-версияда чиқаряпти
Ўтган йили Xiaomi корпорацияси бир нечта моделларда буткул симсиз қулоқчинлар тақдим этган. Mi Airdots, Mi AirDots Youth ва Mi True Wireless жуда оммалашганидан илҳомланиб, у ушбу тур навбатдаги гаджетини тайёрлади.
ЎҚИНГ: Қулоқчиннинг «додаси» чиқди – нақ 67 655 долларлик!
Эсингизда бўлса, яқинда Xiaomi Mi AirDots Pro русумли симсиз қулоқчин тайёрланаётгани ҳақида хабар берган эдик. Компания ундан ташқари, Mi True Wireless буткул симсиз қулоқчинининг арзон талқинини ҳам тақдим этишга тайёргарлик кўраётир ва уни Xiaomi Mi True Lite деб номлаган.
Унинг мавжудлигини Bluetooth стандартлари устида ишловчи ҳамда мазкур технология билан жиҳозланган девайсларга сертификат берувчи Bluetooth Special Interest Group ташкилоти ҳам тасдиқлаган. Xiaomi Mi True Lite қурилмаси аллақачон унда TWSEJ03WM модел рақами остида сертификациядан ўтган.
Bluetooth Special Interest Group сайтида маълум қилинишича, Xiaomi Mi True Lite янги авлод – Bluetooth 5.0 модули билан жиҳозланган. Номига қараганда, у компаниянинг аввалги моделларидан арзон бўлиши керак, аммо техник жиҳатдан улардан айнан нимаси билан фарқланиши ҳозирча номаълум.
«Хитойча Apple» ушбу буткул симсиз қулоқчинини тезроқ тақдим этиб, имкон қадар арзон сотмаса ҳам бўлмайди, чунки...
