Xiaomi ўзининг энг қиммат маҳсулотини чиқарди – у асосан ёшлар ва ёш оилаларга мўлжалланган
Сизу бизга асосан смартфонлари ва бошқа электрон қурилмалари билан таниш бўлган Xiaomi компанияси аслида турмушнинг турли соҳаларида керак бўладиган кўплаб маҳсулотлар ишлаб чиқаради. Уларнинг орасида ҳатто «ақлли» кўрпа ҳам борлигига нима дейсиз?!
ЎҚИНГ: AliExpress: Xiaomi'нинг сиз эшитмаган 8 маҳсулоти
«Хитойча Apple» шу кунларда ўзининг энг қиммат маҳсулотини савдога чиқарди. Лекин бу сиз ўйлаганингиздек бирор электрон гаджет эмас, балки уй мебелларининг тўлиқ жамланмасидир. Gaoya Whole House Set деб номланган ушбу тўплам Master Tong бренди билан ҳамкорликда яратилган бўлиб, асосан ёш оилаларга ва умуман ёшларга мўлжалланган.
Жамланма умумий ҳисобда 25 та мебел предметини ўз ичига олади, унинг ёрдамида ҳар қандай хитойликнинг уйини тўлиқ жиҳозлаш мумкин – меҳмонлар хонасидан тортиб ётоқ хонасию иш кабинетигача. Улар орасида телевизор тумбаси ва журналлар учун столча, ошхона столи ва стуллари, юмшоқ бурчак мебели ва диван, кийимлар ва оёқ кийимлари учун шкафлар, икки кишилик каравот ва тумбочкалар, ёзув столи ва китоб жавони кабилар мавжуд.
ЎҚИНГ: Xiaomi аёллар учун муҳим «ақлли» гаджет тақдим этди
Таъкидланишича, мебеллар тўплами жиҳозларига материал сифатида табиий ёғоч ва чарм қўлланган, латундан ясалган фурнитура жиҳозлари эса зарҳалланган.
Энди эса энг қизиғи – нархи масаласига келсак: Gaoya Whole House Set мебеллар тўплами тахминан 4500 долларга баҳоланган. Xiaomi аллақачон жамланма учун олдиндан буюртмаларни қабул қилмоқда, харидларни эгаларига етказиб бериш эса жорий йилнинг 7 октябридан бошланади.
ЎҚИНГ: Xiaomi’нинг янги инновацион гаджети атиги 8 долларга баҳоланди
