Xiaomi ўзининг янги авлод флагманларини кўрсатди!

Xiaomi ўзининг янги авлод флагманларини кўрсатди!

Таниқли Хитой раҳбари вафоти сабаб бир ҳафталик нофаолликдан сўнг, Xiaomi'нинг расмий Weibo саҳифаси "қайта жонланди" ва компания ўзининг узоқ кутилган Xiaomi 13 смартфонлари дизайнини ҳар бир бурчакдан кўрсатди.

Xiaomi 13 – оддий моделдан бошлайдиган бўлсак, мовий рангли смартфон олд ва орқа томонда ҳам деярли теп-текис дизайнга эга. Камера ороли дизайни унчалик ўзгача эмас ёхуд аввал кўрганимиздек: тўртбурчак камера ороли учта камера ва Leica ёзуви остида LED чироғини ўз ичига олади. Эътибор молик нарсаларнинг яна бир шундаки, смартфон орқа томони тери билан қопланган. Бу компания аввал таъкидлаб ўтган нано-тери технологияси бўлиб, у унча-мунчага кир бўлиб кетмайди.

Xiaomi 13 Pro моделига келадиган бўлсак, унинг олд-орқа ён томонлари ҳам эгилган дизайнга эга. Камера ороли дизайни оддий моделники билан деярли бир хил. Компания Pro модел учун нанотери эмас, балки нано-микрокристалли керамика технологиясидан фойдаланган.

Смартфонлар юқори қисмида бир нечта тешикларни кўриш мумкин. Эҳтимол, улар микрофон, инфрақизил пулт ва динамик(лар) учун бўлиши мумкин. Пастда қурилманинг USB-C порти, SIM-карта уяси ва колонкаси жойлашганлигини кўриш мумкин.

Xiaomi 13 серияси расман 11 декабр куни тақдим қилиниши кутилмоқда.

ЎҚИНГ: Tecno камера жиҳатидан машҳур компанияларнинг фалагманлари билан рақобатлаша оладиган янги смартфонни тақдим этди

Сайт янгиликларидан доимий хабардор бўлиш учун Телеграм каналимизга қўшилинг!