Xiaomi раҳбари: «Бу икки смартфонни энди кутмай қўяверинг!»
«Хитойча Apple» бош директори Лей Цзюнь (Lei Jun) бугун янги туркумдаги – Xiaomi CC смартфонларини эълон қилди. Шу билан бирга, у иккита линейкадаги смартфонларнинг бу йил чиқмаслигини ҳам айтиб ўтди.
ЎҚИНГ: Xiaomi ва Meitu ёшларбоп CC смартфонлар брендини тақдим этди
Лей Цзюнь сўзларига кўра, компания Xiaomi Mi Max ҳамда Xiaomi Mi Note туркумида бу йил янги моделдаги смартфон чиқармайди.
Кейинги пайтларда тарқалган миш-мишларга қараганда, Xiaomi Mi Max туркуми умуман тўхтатилиши, яъни кейинги йилларда ҳам чиқарилмаслиги мумкин.
ЎҚИНГ: 1 июлдан Xiaomi смартфонлари глобал MIUI бета-прошивкадан маҳрум этиляпти!
Xiaomi раҳбарининг таъкидлашича, компаниянинг смартфонлар бўлинмалари барча эътиборни энди тўртта асосий йўналишга қаратишади:
- Xiaomi Mi – флагман моделлар;
- Xiaomi Mi Mix – бадиий туркум;
- Xiaomi CC – ёшларбоп янги серия;
- Redmi – ҳамёнбоп смартфонлар.
Шу тариқа, катта экранли янги – Mi Max 4 ҳамда Mi Note 4 моделларини кутаётган Xiaomi ихлосмандлари энди бошқа русумлардаги смартфонларга эътибор қаратганлари маъқул.
Масалан, Terashop интернет-дўконимизда турли русумлардаги Xiaomi телефонларини атиги 590 000 сўмдан бошланувчи нархларда харид қилиш имкони бор. Улардан аксариятининг нархлари анча пасайтирилган, шунингдек, айримларини энди пул ўтказиш (перечисление) йўли билан ҳам олишингиз мумкин!
