Xiaomi Redmi 5 Plus'ни қадоқдан олиб, илк маротаба томоша қиламиз!
Бир неча кун илгари тақдим қилинган 18:9 стандартли экранга эга Redmi 5 Plus смартфони кўпчилик ўртасида қизиқиш уйғотмоқда.
Хитойлик инсайдерлар томонидан ҳали 12 декабрда сотувга чиқиши кутилаётган гаджетнинг қадоқдан олиниши акс этган жараён эълон қилинди. Агар сиз арзон ва қизиқарли жиҳатларга эга смартфонни харид қилиш истагида бўлсангиз, унинг дизайни ва ташқи кўриниши билан яқиндан танишиб кўришингиз керак. Хитойлик онлайн дўконлар 18 декабрдан Хитойдан ташқарида яшайдиган харидорлардан бу смартфон учун буюртма ола бошлайдилар.
Xiaomi Redmi 5 Plus диагонали 5,99 дюймли ва FullHD+ сиғимли экранга эга бўлган.
Корпус бўйлаб тортилган нафис ҳошия, дисплей атрофидаги нозик ҳошия, 2,5D эффектига эга шиша, металлдан тайёрланган орқа панел — 2017 йилнинг смартфони учун стандарт кўриниш ҳисобланади.
Xiaomi Redmi 5 Plus янги, 8 ядроли Snapdragon 625 платформасига эга бўлган. Унинг 3/32 Гб ҳамда 4/64 Гб хотира талқинидаги талқинлари ишлаб чиқарилади. Унинг батареясининг ток сиғими 4000 мА соат. Маълум қилинишича, тўлиқ қувват девайсга 2 кун ишлашига етади.
Ўлчамлари: 158,5 мм x 75,45 мм x 8,05 мм
Бош камера 12 Мп (f/2.2), 5 линзали, пиксел ҳажми 1,25 мкм ва PDAF технологиясига эга. Олд камера 5 Мп, фоточақнои мавжуд.
Xiaomi Redmi 5 Plus'нинг стандарт (3/32 Гб) талқини $150 ҳамда 4/64 Гб версияси $196 доллардан сотувга чиқарилади.
Ўқинг: Xiaomi Redmi 5 ва Redmi 5 Plus тақдим қилинди: тўлиқ экранли смартфон $120 доллардан
