Xiaomi Redmi 8A'нинг Pro версияси тақдим қилинади

Яқин келажакда Xiaomi компанияси Redmi бренди остида янги ҳамёнбоп смартфон чиқариши унчалик ҳам ҳайратланарли хабар эмас. Бироқ бу смартфоннинг номланиши кишини бироз кутилмаган бўлади. Xiaomi'нинг расмий веб-сайтида эълон қилинган RF (радио частота) сертфикатидан маълум бўлишича, қурилма Xiaomi Redmi 8A Pro деб номланади.

Куни кеча Redmi 8A тақдим қилинди, бироқ мижозлар унинг Pro талқинини кутишмаган эди. Сабаби, одатда, арзон Redmi A серияси вакилларининг Pro версияси бўлмайди, лекин 2019 йилги "Pro"лаштиришдан ҳамёнбоплар ҳам қочиб қололмайдиган кўринади.

Redmi 8A Pro'нинг Redmi 8A'дан қандай фарқ қилиши ҳозирча номаълум. 8A тирқиш камерали 6.22" HD+ LCD дисплей, Snapdragon 439 процессори, 2/3ГБ тезкор хотира, 32ГБ доимий хотира, f/1.8 диафрагмали 12МП асосий камера, 8МП селфи камера ва 5 000 мА/соат сиғимли аккумуляторга эга. Redmi 8A Android 9 Pie юзасидаги MIUI 10'да ишлайди, лекин Redmi 8A Pro MIUI 11'да ишлаши керак.

ЎҚИНГ: Xiaomi 8K форматда секундига 30 та кадрли видео олувчи дунёдаги илк смартфон устида ишламоқда