Xiaomi Redmi Note 4 Snapdragon 625 билан қувватлантирилди
Хитойнинг Xiaomi компанияси Redmi Note 4 моделининг Snapdragon 625 билан жиҳозланган версиясини намойиш қилди. Янги модификация Ҳиндистон бозорига мўлжалланган. Ўтган йили тақдим қилинган смартфон версиясига Helio X20 процессори ўрнатилган эди.
Gagadget нашрининг ёзишича, аппаратда процессор маркаси ўзгарган холос, қолган техник параметрлар сақлаб қолинган. Моделга 5,5 дюймли Full HD экран, 2/3/4 ГБ тезкор ва 32/64 ГБ доимий хотира ўрнатилган. Камералар сенсори 13/5 Мп. Қурилма Android 7.0 версиясила ишлайди. Батарея сиғими – 4100 мА/соат.
Моделнинг 2 ГБ тезкор ва 32 ГБ доимий хотирага эга версияси 146 доллар, 3 ГБ оператив хотирали версия эса 161 доллар нархида эртага Ҳиндистонда сотувга чиқарилади. 4/64 ГБли версиянинг нархи 190 долларни ташкил қилади.
