Xiaomi Redmi Note 4X янги талқинда намойиш қилинди
Xiaomi компанияси смартфонларнинг нафақат ички, балки ташқи жиҳатларига, жумладан корпус рангларига ҳам алоҳида диққат қаратади. Шу йилнинг феврал ойида $145 доллардан сотувга чиқарилган Redmi 4X’нинг илк партияси бир неча сониялар ичида сотилиб кетган эди. Айни пайтда ҳам бозорда бу гаджетга эҳтиёж юқори.
Компания ўтган ҳафтада Redmi Note 4X смартфонини очиқ кўк рангли корпусда тақдим қилди. Унинг орқа панели кўк, олд панели оқ рангда. Шунингдек, смартфоннинг ички платформасида ҳам такомиллашув кузатилади.
Эслатиб ўтамиз, Redmi Note 4X’нинг энг юқори (4 + 64 ГБ) талқинига Helio X20 от MediaTek ўрнатилган эди. Шу вақтга қадар унинг оддий талқини Snapdragon 625 чипи ва 3 + 32 ГБ хотирага эга бўлган.
Кўк рангли талқинга эса Snapdragon 625 процессори, 4 гигабайтли тезкор ва 64 ГБ доимий хотира ўрнатилган. Шу тахлит яхши ва арзон смартфонлар қатори яна биттага бойиди.
Xiaomi Redmi Note 4X ҳозирча Хитойнинг JD, Aliexpress онлайн дўконларида, шунингдек ишлаб чиқарувчининг сайтида $206 ёки $219,99 доллардан сотилмоқда.
