Xiaomi Redmi S2: янада кўпроғини кутинг

Таниқли бренднинг мухлислари тақдим қилиниши кутилаётган Xiaomi Mi7 флагманини интизорлик билан кутаётган бир пайтда, Xiaomi "нусха-машина"си ҳамёнбоп смартфон моделлари сонини тинмай кўпайтирмоқда. Xiaomi Redmi S2 модели билан танишинг! Жаҳон бозорида яқин орада пайдо бўлиши айтилаётган бу смартфон арзонлиги билан рақибларидан ажралиб туради.

Ҳозирча мазкур модел расман тақдим қилинмаган. Бироқ ушбу модел тўғрисидаги маълумотлар инсайдерлар томонидан эълон қилинган.

Xiaomi Redmi S2 модели Ҳиндистон, Хитой, Осиёнинг бошқа мамлакатларида ҳамда Европада сотувга чиқарилади. Xiaomi Mi6X каби, девайс 3,5 мм ҳажмидаги аудиожек туйнугига, анъанавий microUSB ўрнига USB Type-C портига эга бўлади.

Ўқинг: Павел Дуров: "Эртага кеч бўлиши мумкин!"

Xiaomi Redmi S2 моделининг жиҳатлари:

Платформа: Snapdragon 625;
Хотира: 3 Гб тезкор, 32 Гб доимий;
Дисплей: 5,99 дюймли, IPS матрицали, HD+ (1440х720 пикселли) сиғимли, ҳар дюймда 268ppi белги;
Олд камера: 16 Мп;
Бош камера: қўш - 12 Мп + 5 Мп;
Аккумулятор: 3080 мА соат;
Операцион тизим: Android 8.0 Oreo'нинг MIUI 9 талқини;
Бармоқ изи сканери: орқа панелда;

Ҳозригача аниқланган маълумотларга кўра, смартфон 2 Гб ҳамда 4 Гб оператив хотираларда, шунингдек 16 Гб ва 64 Гб доимий хотирали талқинларда сотувга чиқарилади. Xiaomi Redmi S2 моделининг энг қиммати тахминан $175 доллардан сотувга чиқарилади.