Xiaomi Samsung'ни ортда қолдириб етакчиликни қўлга олди

Xiaomi Samsung'ни ортда қолдириб етакчиликни қўлга олди

Xiaomi сўнгги бир неча йил ичида Хитойдан ташқарида ўз фаолиятини кучайтирмоқда. Ҳиндистонда етакчи мавқеини сақлаб қолган ҳолда, компания бошқа бозорларда ҳам биринчиликка интилмоқда. Сўнгги маълумотларга кўра, Xiaomi жорий йилнинг июнь ойида Россияда энг кўп смартфон сотган компания бўлди.

ЎҚИНГ: Xiaomi энди Apple'ни ҳам ортда қолдириб, Samsung'га рахна солмоқда

Россиядаги MTS дўконлари тармоғида Xiaomi савдо ҳажми бўйича биринчи ўринни эгаллади. Компаниянинг бозордаги улуши 31,2 фоизни ташкил қилиб биринчи, Samsung эса 29,8 фоиз билан иккинчи ўринларни эгаллади. 7—13 июль ойидаги савдолар бўйича Samsung етакчиликни йўқотган.

Шу билан бирга, Apple ва realme смартфон савдоси бўйича мос равишда учинчи (14,5%) ва тўртинчи (4,6%) ўринларни эгаллашди. Бешинчи ўринни Xiaomi'нинг Poco суб-бренди эгаллаган бўлиб, компаниянинг бозор улуши 3,8 фоизни ташкил қилган.

Бундан ташқари, “M.Video Eldorado“ чакана савдо тармоғининг вакили Xiaomi (шу жумладан Poco) Россияда июнь ойида савдо ҳажми бўйича етакчи эканлигини тасдиқлади. Бироқ, Samsung 2021 йилнинг биринчи ярмида ҳам, иккинчи чорагида ҳам смартфон савдоси бўйича Россия бозорда ҳукмронлик қилди.

“M.Video Eldorado“нинг сўзларига кўра, кучли бешликдаги қолган учта жойни Apple, realme ва Honor компаниялари эгаллаган. Россия смартфонлар бозоридаги савдо ҳажми январь-июнь ойларида тахминан 300 миллиард рублни ташкил этди, бу ўтган йилнинг шу даврига нисбатан 30 фоизга кўпдир.

ЎҚИНГ: Таъмирланган смартфонлар бозорининг қироли ким?

Terabayt.uz сайтининг видеолари: Youtube'даги каналимизда!