Xiaomi сир тутаётган, мутлақо ромсиз Redmi 7 Pro: суратлари, нархи ва техник жиҳатлари!
«Хитойча Apple» бир нечта моделдаги телефон устида ишламоқда: Mi Mix 3S, Mi 9 ҳамда Mi 8S флагманлари, Mi Note 4 фаблети ва инқилобий – Mi Mix Flex буклама смартфони. Шунингдек, у Redmi туркумидаги ҳамёнбоп моделларини ҳам тайёрламоқда.
ЎҚИНГ: 120 доллардан бошланувчи Xiaomi Redmi 7 хусусидаги биринчи маълумотлар ва расмлари билан танишинг!
Лекин Xiaomi шулар билан кифояланиб қолмаяпти: кечагина яна битта – Redmi 7 Pro модели ҳақидаги илк маълумотлар тарқалди. Янги қурилма Xiaomi’нинг шу йилнинг июнида тақдим этилган «ўйиқ»ли экранга эга илк ҳамёнбоп смартфони – Redmi 6 Pro моделининг «авлод»и сифатида майдонга тушади.
Инсайдерлар берган хабарларга кўра, Redmi 7 Pro дисплейи барча томонларидан ўта юпқа ҳошияга эга бўлиб, тепасида томчисимон-думалоқ шаклли «ўйиқ» бор. Унга жойланган олд камера 12 мегапикселлик бўлиб, фойдаланувчининг юзини таниш орқали смартфонни қулфдан чиқариш функциясига эга.
Смартфоннинг асосий камераси эса уч модулли бўлишини, улардан иккитаси 12 ва 8 мегапикселли объективлар эканини айтишмоқда.
ЎҚИНГ: Xiaomi яна иккита моделига MIUI 10 тарқатмоқда, аммо олтита смартфонини энди янгиламаслигини айтди
Redmi 7 Pro учун ўрта тоифали Snapdragon 710 процессори танланган. Уни тезкор/доимий хотираси 4/64 ҳамда 6/128 гигабайтлик конфигурацияларда ишлаб чиқаришади.
Шунақа яхши хусусиятларга эга бўлса-да, Xiaomi бу гаджети учун ҳам «инсоф билан» нарх белгилаётир. Хабарларга кўра, Redmi 7 Pro’нинг бошланғич конфигурацияли версияси тахминан 216 АҚШ долларига баҳоланади. «Хитойча Apple»нинг жаҳон бозорига аллақачон тақдим этилган аксарият смартфонларини эса Terashop.uz интернет-дўконимиздан 809 000 сўмдан бошланувчи нархларда харид қилиш имкони мавжуд. Дўконимизга янги келган, ҳали қуйидаги нархномамизга кирмаган мобил кинотеатр – Mi Max 3 фаблетини бўлса 2 188 000 сўм эвазига сотиб олишингиз мумкин.
