Xiaomi смартфонлари бирорта iPhone’да йўқ жиҳатга эга бўлади

Xiaomi смартфонлари бирорта iPhone’да йўқ жиҳатга эга бўлади

Xiaomi смартфонлари Google Android’нинг компания томонидан ўзлаштирилган МIUI операцион тизими бошқарувида фаолият кўрсатади. Бу мобил прошивка iOS ва Android тизимларининг энг илғор жиҳатларини ўзлаштиргани, меню иловаларидан холи қулай интерфейс билан ўзига хос. MIUI операцион тизимининг янги талқинида “хитойлик Apple” деб ном қозонган Xiaomi фойдаланувчиларига янги илғор функциядан фойдаланиш имконини беради. Боз устига, бу функция ҳали бирор iPhone флагманида йўқ.

Xiaomi компанияси MIUI 8 операцион тизимининг эълон қилиниши билан боғлиқ режаларини эълон қилди. Бу талқинда қатор имкониятлар билан бирга, экранни 2 га бўлиб ишлатишга мўлжалланган янги режим ҳам мавжуд бўлади. Компания бу функциянинг қандай ишлашини ўзининг сўнгги йирик экранли Mi Max 2 смартфони мисолида кўрсатиб берган. Аввалига бу функциянинг июлда тақдим қилиниши кутилаётган MIUI 9 операцион тизимида татбиқ этилиши кутилган эди.

MIUI 8 операцион тизимининг янги талқини эълон қилиниши билан мобил гаджет экранини 2 га бўлиш ва 2 та иловадан бир вақтда фойдаланиш имкони туғилади. Мисол учун, смартфон экранининг ярмида ўйин ўйнаб ёки филм кўриб, қолган тенг ярмида мессенжерда фойдаланиш мумкин. Тўғри, шунга ўхшаш функция “Split Screen” номи билан iOS 10’да тақдим қилинган эди. Бироқ, Apple’нинг бу имкониятидан фақат планшетларда, устига-устак сўнгги авлод планшетларида фойдаланиш мумкин. Xiaomi эълон қилган суратларга кўра, Split Screen функциясидан энди смартфонда ҳам фойдаланиш мумкин.

Янги имкониятларга эга MIUI 8’нинг жорий ҳафатада тақдим қилиниши кутилмоқда. Аввалига кам сонли фойдаланувчиларга бу имкон берилади. Синов талқиндан фойдаланиш истагида бўлганлар Xiaomi’нинг расмий форумидан рўйхатдан ўтишлари керак бўлади.

Эслатиб ўтамиз, жорий ҳафтада iOS 11’нинг илк бета-талқини тақдим этилади. Эҳтимол, унда Apple ҳам iPad ва iPhone қурилмаларида экранни 2 қисмга бўлиб ишлатиш функциясини жорий қилар.

Хабарларни тез ва осон ўқиш учун Андроид иловамизни сақлаб олинг.