Xiaomi смартфонларидан яна 11 моделига MIUI 10 прошивкаси чиқди

  •   DiMaX
  •  4385
  •  08.08.2018 11:10

Xiaomi смартфонларидан яна 11 моделига MIUI 10 прошивкаси чиқди

Жорий йилнинг 31 май санасида расман намойиш этилган MIUI 10 график қобиғи аста-секинлик билан кўплаб Xiaomi смартфонларига тарқатиб келинмоқда. Кеча ушбу янги прошивкага эга моделлар сони роппа-роса қирқтага етди.

ЎҚИНГ: 23 хил Xiaomi смартфонларига глобал MIUI 10 beta чиқди, рўйхат билан танишинг!

Xiaomi компанияси прошивка тарқатилишининг учинчи тўлқинида яна 11 та русумдаги мобил қурилмалари учун MIUI 10 график қобиғини тақдим этди. Айтиш керакки, аслида улар 23 июлда тарқатилиши режалаштирилган эди.

Майли-да, сал кечикиб бўлсаям, қуйидаги моделлардаги смартфонларга янги прошивкани ўрнатиш имкони туғилди:

  • Xiaomi Mi 4 (2 версияси)
  • Xiaomi Redmi Note 3
  • Xiaomi Redmi 3S
  • Xiaomi Redmi 3X
  • Xiaomi Redmi Pro
  • Xiaomi Redmi Note 4
  • Xiaomi Redmi Note 4X MTK Edition
  • Xiaomi Redmi 4 (Standard ва High Editions)
  • Xiaomi Redmi 4A

Шу тариқа, MIUI 10 прошивкаси Xiaomi’нинг жами 40 моделдаги мобил қурилмаларига тарқатилди. Улар орасида 20 хилдаги Mi туркумига, яна шунча моделдаги Redmi туркумига оид смартфонлар мавжуд. Фақат янги прошивка «ҳаво орқали» босқичма-босқич тарқатилиши сабабли, бизнинг ҳудуддаги қурилмаларга қачон навбат етиб келиши ҳақида аниқ бир гап айтиш қийин.

ДИҚҚАТ: Xiaomi Redmi 6 Pro ҳамда Mi 6X русумли смартфонларни MIUI 10 прошивкасига янгилагач, эски прошивкаларга қайтиш имкони бўлмайди

ЎҚИНГ: MIUI 10 прошивкасида Xiaomi’нинг янги смартфони эскизлари топилди! (+«жонли» сурат)