Xiaomi смартфонларининг 4000 мА/соатлик аккумуляторлари энди 17 дақиқадаёқ буткул тўлади! (+«жонли» видео)
«Хитойча Apple» тезкор қувватлашнинг энг илғор – нақ 100 ваттлик технологияси устида ишламоқда. Буни корпорация президенти Лин Бин (Lin Bin) расман тасдиқлаган.
ЎҚИНГ: РАСМИЙ РЎЙХАТ: Android 9’гача янгиланадиган ва янгиланган Xiaomi смартфонлари
Xiaomi раҳбарининг сўзларига кўра, ҳозирда мазкур технологияни оммавий ишлаб чиқариш даражасига етказиш учун ишлар фаол олиб борилмоқда. Янгича тезкор қувватлаш технологиясини Super Charge Turbo деб аташмоқда. Аммо бунақа технологияга эга смартфонлар савдога қачон чиқарилиши ҳақида ҳозирча маълумот йўқ.
Мана, қуйидаги «жонли» видеода уни Oppo компаниясининг 50 ваттлик тезкор қувватлаш технологияси билан таққослаб кўрсатишган:
Маълумотларга кўра, Super Charge Turbo орқали батареяси 4000 мА/соатлик ток сиғимига эга смартфонни атиги 17 дақиқада нолдан бошлаб тўлиқ қувватлаш мумкин. Таққослаш учун келтириб ўтсак: Xiaomi Mi 9 (сотиб олиш) флагмани 27 ваттлик симли ҳамда 20 ваттлик симсиз қувватлана олади.
ЎҚИНГ: Xiaomi еттита русумдаги Redmi смартфонларини қўллаб-қувватлашни тўхтатди
