Xiaomi смартфонларининг Android Pie асосидаги MIUI 10’гача янгиланиш жадвали

Тўққизинчи авлоддаги – Android Pie операцион тизим тақдим этилганига икки ойдан ошди, аммо унга асосланган MIUI 10 прошивкасига Xiaomi’нинг биттагина – Mi MIX 2S смартфони эга бўлган, холос. Аммо компаниянинг бошқа русумлардаги мобил қурилмаларига Android’нинг аввалги версияларига таянган MIUI 10 аллақачон тарқатилмоқда.

ЎҚИНГ: РАСМАН: Xiaomi смартфонларнинг барқарор глобал MIUI 10’гача янгиланиш режасини эълон қилди!

Куни кеча Xiaomi форумида мазкур компаниянинг смартфонларига Android 9 Pie базасидаги MIUI 10 прошивкасининг тарқатилиш вақтлари ҳақида маълумот эълон қилинди. Гарчи аниқ саналари кўрсатилмаган бўлса-да, муайян моделдаги қурилма учун энг янги операцион тизимга асосланган энг сўнгги прошивкани кутиш мумкинлигига ойдинлик киритилган.

Хулласи калом, Android 9 Pie талқинига асосланган MIUI 10 прошивкасигача 2018 йилнинг 4-чорагида янгиланадиган моделлар қуйидагилардир:

1. Xiaomi Pocophone F1 (Сотиб олиш)
2. Xiaomi Mi 8 (Pro) (Сотиб олиш)
3. Xiaomi Mi 8 EE
4. Xiaomi Mi 8 SE
5. Xiaomi Mi A1
6. Xiaomi Mi A2 (Сотиб олиш)
7. Xiaomi Mi A2 Lite (Сотиб олиш)
8. Xiaomi Mi Mix 2
9. Xiaomi Mi Mix 2S (аллақачон тарқатилмоқда)

Мана бу русумлардаги смартфонларга эса бу прошивка 2019 йилнинг 1-чорагида тарқатилади:

1. Xiaomi Mi Max 3
2. Xiaomi Redmi Note 5 (Pro) (Сотиб олиш)

2019 йилнинг 2-чорагида бўлса қуйидаги қурилмалар учун Android 9 Pie базасидаги MIUI 10 прошивкаси тақдим этилади:

1. Xiaomi Mi 6
2. Xiaomi Redmi S2 (Redmi Y2) (Сотиб олиш)
3. Xiaomi Redmi 6 Pro

Ва ниҳоят, қуйидаги русумлардаги девайслар 2019 йилнинг 3-чорагида MIUI 10 қобиғи остидаги Android 9 Pie операцион тизимига эга бўлади:

1. Xiaomi Redmi 6 (Сотиб олиш)
2. Xiaomi Redmi 6A (Сотиб олиш)
3. Xiaomi Mi Note 3
4. Xiaomi Mi Max 2
5. Xiaomi Redmi 5 (Сотиб олиш)
6. Xiaomi Redmi 5 Plus (Сотиб олиш)

Афсуски, мана бу моделлардаги смартфонлар учун Android 9 Pie талқинига асосланган MIUI 10 прошивкаси мос келмас экан:

1. Xiaomi Redmi 5A / Prime (Сотиб олиш)
2. Xiaomi Redmi Note 5А / Prime
3. Xiaomi Mi 5X
4. Xiaomi Mi Max
5. Xiaomi Mi Mix
6. Xiaomi Mi 5 / Mi 5S / 5S Plus
7. Xiaomi Mi Note 2
8. Redmi Note 4

ЎҚИНГ: Xiaomi смартфони ишлатасизми? Янгиламай туринг, жиддий гап бор!

Пайқаган бўлсангиз керак – Android Pie талқинидаги операцион тизимга асосланган MIUI 10 прошивкаси «хитойча Apple»нинг кейинги бир йил ичида бозорга тақдим этилган деярли барча русумлардаги смартфонлари учун тақдим этилади. Лекин, афсуски, кўплаб моделлардаги бошқа Xiaomi смартфонлари ушбу энг янги дастурий таъминотга эга бўла олмайди.

Аммо бу ерда бир нарсани таъкидлаб ўтиш жуда муҳим. Юқоридаги рўйхатга кирмаган смартфонларнинг аксарияти, аниқроғи – Xiaomi кейинги уч йилда тақдим этган барча русумлардаги мобил қурилмалар учун MIUI 10 прошивкаси ишлаб чиқилмоқда. Юқоридагилардан фарқи шундаки, уларнинг прошивкаси негизида энг сўнгги – Android 9 Pie эмас, балки тегишлича аввалги версиялардаги операцион тизим ётади.

Юқорида келтирилганларидан ташқари, бошқа моделлардаги айрим Xiaomi смартфонларини ҳам Terashop.uz интернет-дўконимиздан онлайн тарзда харид қилиш имкони мавжуд.

ЎҚИНГ: Mi Mix 3: илк расмий реклама ролиги, янги видеолари, суратлари, хусусиятлари ва нархлари!