Xiaomi Leica билан ҳамкорлик қилади
Бугун Xiaomi анчадан бери миш-миш бўлиб келаётган хабарларни расман тасдиқланади: хитойлик техно-гигант ўз смартфонлари камералари ишлашини яхшилаш мақсадида Leica номли германиялик камера ишлаб чиқарувчиси билан узоқ муддатли стратегик ҳамкорлик олиб боради.
Телефонлар камераси сегментида ҳамкорлик қилиш Leica учун биринчиси эмас. Xiaomi'дан олдин германиялик компания ўтган ёзда эксклюзив япон смартфон бренди Sharp билан биргаликда ишлаган эди. Шунингдек, у Huawei билан беш йилдан бери ҳамкорлик қилиб келган ҳам. Масалан, Huawei'ни оладиган бўлсак, Leica билан ҳамкорлигидан кейин унинг смартфонлари DxOMark камера синовларида юқори натижаларга эришишни бошлаган эди.
Xiaomi-Leica ҳамкорлигидаги илк флагман маҳсулот келаётган июл ойида чиқарилиши ҳам расман маълум қилинди. Гарчи Xiaomi қайси смартфонни чиқаришини айтмаган бўлсада, бу катта эҳтимол билан узоқ кутилган ва бир неча кун олдин тақдим қилинган Snapdragon 8+ Gen 1 чипсетига эга Xiaomi 12 Ultra бўлиши таҳмин қилинмоқда.
ЎҚИНГ: Суперфлагманларда мақтаниш учун янги чипсет
