Xiaomi ва Redmi смартфонларида энди «яширин камера технологияси» қўлланади

  •   DiMaX
  •  2446
  •  23.11.2019 11:45

Xiaomi ва Redmi смартфонларида энди «яширин камера технологияси» қўлланади

Redmi бренди бош директори ҳамда Xiaomi Group вице-президенти Лу Вейбинг (Lu Weibing) ҳамиша Weibo ижтимоий тармоғида фаол. Корпорациянинг янги маҳсулотлари борасидаги хабарларни ҳам у кўпинча илк бора шу ердаги мулоқотларда айтади.

ЎҚИНГ: Ишлаётган ҳолдаги Redmi K30 флагманини «жонли» кўрамиз!

Жумладан, куни кеча фанатлардан бири ундан, яқин келажакдаги Xiaomi ва Redmi телефонларида қандай янги технология бўлишини сўраган. Лу Вейбинг унга жавобан ёзишича, компания дисплейнинг остига яширилган олд камера технологияси устида жиддий ишламоқда.

Айтиш керакки, компания шу йил июннинг бошидаёқ Mi 9 смартфонининг дисплейи остига яширилган олд камерани «жонли» видеода ишлатиб кўрсатганди. Яна бир смартфонсоз – Oppo ҳам шу куниёқ айнан шундай технологияга эга смартфон прототипининг «жонли» видеосини тарқатган. Шунингдек, Samsung ҳам янги моделларига бу технологияни жорий этмоқчи ва уни Samsung UDC (under-display camera – экраности камера) дея номламоқда.

ЎҚИНГ: Ваҳимачилар учун махсус: яширин камераларни аниқловчи «анти-жосус» гаджет яратилди! (+видео)

Xiaomi селфи-камеранинг бундай тарзда жойланишини негадир «hidden screen technology», яъни «яширин экран технологияси» деб атамоқда. Лекин мантиқан олиб қараганда, буни «яширин камера технологияси» дейиш тўғрироқ бўлар эди.

Айрим кузатувчилар мазкур технологияга эга илк смартфон Xiaomi Mi Mix 5 модели бўлишини айтишмоқда. Яна ким билади, экраности камера технологиясини ундан аввалги – Mi Mix 4 флагманидаёқ кўрармиз.

ЎҚИНГ: Яширин камера ўрнатилган: ижара квартираларида ёки меҳмонхоналарда яширин камерани қандай топса бўлади?

Сайт янгиликларидан доимий хабардор бўлиш учун Телеграм каналимизга қўшилинг!