Xiaomi ва Redmi'нинг тўртта модели янги хусусиятга эга бўлади

Xiaomi ўз смартфонларининг функционал имкониятларини ривожлантиришда давом этмоқда. Бу сафар MIUI бўлими тўртта смартфон модели - Redmi K30, Redmi Note 5A, Xiaomi Mi 8 SE ва Xiaomi Mi Note 3 учун янги хусусиятнинг тақдим этилишини эълон қилди.

Ушбу моделлардаги янгиланиш XiaoAI фирма ёрдамчисига овозли буйруқ ёрдамида смартфонни уйқу режимидан чиқариш функциясини қўшади. Янги функция XiaoAI Lab бўлимидаги созламалар орқали фаоллаштирилади. Бунинг учун, фойдаланувчилар XiaoAI иловасининг 5.4 янгиланган версиясини ўрнатиши керак.

Функция ишлаши учун фирма қобиғининг маълум бир версияси талаб қилинади. Xiaomi Mi 8 SE учун MIUI версиясининг 10.3.2.0 ва ундан юқори версиялари, Xiaomi Mi Note 3 учун 10.4.2.0 ва ундан юқори, Redmi K30 ва Note 5A учун 11.0.1.0 ва ундан юқори версиялари тўғри келади.

ЎҚИНГ: Xiaomi яна 5 хил смартфонини Android 10 базасидаги MIUI 11’гача янгилаяпти