Xiaomi яна бир шаффоф флагманини намойиш этди! («жонли» расмлар)
«Хитойча Apple» ўзининг Xiaomi Mi 8 моделидан бошлаб, флагман смартфонларининг шаффоф корпусли версияларини чиқара бошлаган. Жумладан, Xiaomi Mi 8 Explorer Edition ҳамда Xiaomi Mi 9 Explorer Edition моделлари илғор ва шунга яраша қиммат бўлиб чиққан.
ЎҚИНГ: Бу смартфонни битта электромобил нархида сотишмоқда!
Лекин негадир компания бу йилги флагманлар туркумида иккитагина – Xiaomi Mi 10 ҳамда Xiaomi Mi 10 Pro смартфонларини тақдим этди. Бу гал уларнинг шаффоф орқа қопқоқли Explorer Edition версияси чиқмагани сабаби – юқоридаги қурилмалар шундоғам қиммат чиққанлиги бўлиши мумкин; унинг шаффоф талқини янада қиммат бўлиб кетарди.
Шунга қарамасдан, компаниянинг маркетинг бўлими бугун – 9 март куни Xiaomi Mi 10 Explorer Edition версиясининг расмий суратларини эълон қилди:
Худди «аждод»ларидаги сингари, унинг ҳам орқа панели шаффоф бўлиб, ичи кўриниб турибди.
Афсуски, Xiaomi Mi 10 Explorer Edition бозорга қачон ва қандай хотирали конфигурацияларда чиқарилишини, шунингдек, унинг нархини компания маълум қилмаган.
Шу билан бирга, Xiaomi янги туркумнинг бошқа бир вакилини ҳам тайёрламоқда...
ЎҚИНГ: Xiaomi Mi 10S ҳам чиқади: Snapdragon 865 Plus, янгича камера, нархи эса...
